અમેરિકાના ઇન્ટેલિજન્સ ચીફ તુલસી ગબાર્ડે ઇન્ટેલિજન્સ કોમ્યુનિટી 2026 વાર્ષિક થ્રેટ એસેસમેન્ટ રીપોર્ટ રજૂ કરતા જણાવ્યું હતું કે રશિયા, ચીન, ઉત્તર કોરિયા, ઈરાન અને પાકિસ્તાન અમેરિકામાં માટે સૌથી મોટા પરમાણુ ખતરા છે.
બુધવારે સેનેટ ઇન્ટેલિજન્સ કમિટી સમક્ષ જુબાની આપતાં ગબાર્ડે કહ્યું હતું કે “ગુપ્તચર સમુદાયનું મૂલ્યાંકન છે કે રશિયા, ચીન, ઉત્તર કોરિયા, ઈરાન અને પાકિસ્તાન પરમાણુ અને પરંપરાગત પેલોડ્સ સાથે નવી, અદ્યતન અથવા પરંપરાગત મિસાઇલ ડિલિવરી સિસ્ટમ્સ પર સંશોધન અને વિકાસ કરી રહ્યા છે, જે આપણા દેશ પર પ્રહાર કરવાની ક્ષમતા ધરાવે છે.
ચીન અને રશિયા એવી અદ્યતન ડિલિવરી સિસ્ટમ વિકસાવી રહ્યા છે જે યુએસ મિસાઇલ ડિફેન્સને ભેદવા અથવા બાયપાસ કરવામાં સક્ષમ છે. ઉત્તર કોરિયાના ICBM પહેલાથી જ અમેરિકાની ધરતી સુધી પહોંચી શકે છે, અને તે તેના પરમાણુ શસ્ત્રાગારનો વિસ્તાર કરવા માટે પ્રતિબદ્ધ છે.
ઇન્ટેલિજન્સ ચીફે ભારપૂર્વક જણાવ્યું હતું કે ઉત્તર કોરિયા રશિયા અને ચીન સાથે તેના સંબંધોને વધુ ગાઢ બનાવી રહ્યું છે આ બદલાતી વ્યવસ્થા વૈશ્વિક સુરક્ષા માટે ગંભીર અસરો ધરાવે છે.
પાકિસ્તાન વિશે બોલતા તેમણે સાંસદોને જણાવ્યું હતું કે ઇસ્લામિક પ્રજાસત્તાકના લાંબા અંતરના બેલિસ્ટિક મિસાઇલ પ્રોગ્રામમાં અમેરિકા પર પ્રહાર કરવા સક્ષમ ICBMનો સમાવેશ થવાનો હોવાની શક્યતા છે.
તેમણે દાવો કર્યો હતો કે અમેરિકા પર પ્રહાર કરવા સક્ષમ મિસાઇલોની સંખ્યા 2025માં 3,000થી વધીને 2035માં 16,000 થવાની ધારણા છે.
ઇરાનના મુદ્દે યુએસ પ્રમુખ ડોનાલ્ડ ટ્રમ્પની વિપરિત વલણ જારી કરતાં તેમણે જણાવ્યું હતું કે જૂન 2025માં યુએસ-ઇઝરાયલી હુમલામાં તેની ક્ષમતાઓનો નાશ થયા પછી ઈરાને ફરી યુરેનિયમ સંવર્ધન માટે કોઈ પ્રયાસ કર્યો નથી.
