અમેરિકન આર્ટિફિશિયલ ઇન્ટેલિજન્સ સેફ્ટી એન્ડ રિસર્ચ કંપની એન્થ્રોપિકના સેફગાર્ડ રિસર્ચ ટીમના વડા મૃણાંક શર્માએ સોમવારે (9 ફેબ્રુઆરી) એક સોશિયલ મીડિયા X પર એક રહસ્યમ પોસ્ટ કરી રાજીનામાની જાહેરાત કરી હતી. AI સલામતી સાથે સમાધાનને કારણે તેમને રાજીનામું આપવાની ફરજ પડી હોવાનું માનવામાં આવે છે.
એન્થ્રોપિક સાન ફ્રાન્સિસ્કોમાં હેડક્વાર્ટર ધરાવે છે અને તે લાર્જ લેંગ્લેજ મોડલ્સ (LLMs)ના ક્લાઉડ ફેમિલીના વિકાસ માટે વ્યાપકપણે જાણીતી છે. એન્થ્રોપિક એક પબ્લિક બેનિફિટ કોર્પોરેશન (PBC) છે, જે વિશ્વસનીય, અર્થઘટનક્ષમ અને સ્ટીઅરેબલ AI સિસ્ટમ્સના નિર્માણ પર ધ્યાન કેન્દ્રિત કરે છે. તેની સ્થાપના 2021માં OpenAI ભૂતપૂર્વ એક્ઝિક્યુટિવ્સે કરી હતી.
રહસ્યમ રાજીનામા પત્રમાં મૃણાંક શર્માએ જણાવ્યું હતું કે હવે આગળ વધવાનો સમય આવી ગયો છે. દુનિયા ફક્ત AIથી જ નહીં, પરંતુ આ ક્ષણે એકબીજા સાથે જોડાયેલા સંકટોની આખી શ્રેણીથી જોખમમાં છે. આપણે એક એવી સીમા નજીક પહોંચી રહ્યા છીએ, જ્યાં આપણું શાણપણ વિશ્વને પ્રભાવિત કરવાની આપણી ક્ષમતા જેટલું જ વધવું જોઈએ, નહીં તો આપણે પરિણામોનો સામનો કરવો પડશે.
શર્માએ કોઈ સ્પષ્ટતા વગર કર્યું હતું કે સતત દબાણનો અર્થ એ છે કે તેમના માટે સૌથી મહત્વપૂર્ણ વસ્તુ મૂલ્યોને બાજુ પર રાખવા. તેમના અંતિમ પ્રોજેક્ટ્સમાંનો એક એઆઈ આસિસ્ટન્ટ આપણને ઓછા માનવ કેવી રીતે બનાવે છે અથવા આપણી માનવતાને વિકૃત કરે છે તે સમજવા વિશે હતો.
એન્થ્રોપિકે ક્લાઉડ ઓપસ 4.6 મોડલ રજૂ કર્યાના થોડા દિવસો પછી તેમણે આ રાજીનામું આપ્યું છે. ક્લાઉડ ઓપસ 4.6 ઓફિસ ઉત્પાદકતા અને કોડિંગ કામગીરીને વધારવા માટે રચાયેલ એક અપગ્રેડેડ મોડેલ છે.
