પીઢ અભિનેતા સન્ની દેઓલ 68 વર્ષની ઉંમરે પણ પોતાના પિતા સ્વ. ધર્મેન્દ્રની છત્રછાયાને ભૂલી નથી શકતો. તાજેતરમાં તેણે જણાવ્યું હતું કે, ‘1964માં આવેલી મારા પિતા ધર્મેન્દ્રની ‘વોર’ ફિલ્મ જોયા બાદ મને આ વિષય પ્રત્યે આકર્ષણ વધ્યું હતું.
મારા પિતાની ફિલ્મ ‘હકીકત’ મને બહુ પસંદ આવી હતી એટલે જ મેં ‘બોર્ડર’ ફિલ્મમાં કામ કરવાનું સ્વીકાર્યું હતું. ‘હકીકત’ રિલીઝ થઈ ત્યારે હું નાનો બાળક હતો. પછી હું પોતે અભિનેતા બન્યો ત્યારથી મનમાં મારા પિતા જેવી ફિલ્મ બનાવવાની ઇચ્છા હતી.
મેં દિગ્દર્શક જે. પી. દત્તાને વાત કરી અને અમે ઐતિહાસિક લોન્ગેવાલા બેટલ પર ફિલ્મ બનાવવાનું નક્કી કર્યું હતું.’ ‘બોર્ડર’ ફિલ્મે ભારતના યુવાનો પર કેટલી અસર છોડી છે? તેવા એક પ્રશ્નના જવાબમાં સન્ની વધુમાં કહે છે, ‘હું જ્યાં પણ જાઉં છું ત્યાં મને એવું કહેનારા લોકો મળે છે કે અમે તમારી ‘બોર્ડર’ જોયા બાદ આર્મીમાં જોડાવાનો નિર્ણય કર્યો હતો.’
