નોર્થ કેરોલાઇના ઇન્ડો-અમેરિકન ફિઝિશિયન્સ-પીપલ્સ મેડિકલ કેર (NCIAP) ના 15મા વાર્ષિક ફંડરેઇઝીંગ ગાલાની ઉજવણી કરવા માટે 7 ફેબ્રુઆરીના રોજ શેરેટોન રિસર્ચ ટ્રાયેંગલ પાર્કમાં 500 થી વધુ સભ્યો, બિઝનેસ લીડર્સ અને હેલ્થકેર પ્રોફેશનલ્સ એકત્ર થયા હતા. NCIAP આખા સ્ટેટના વીમા વિનાના અને ઓછો વીમો ધરાવતા રહેવાસીઓને સસ્તી હેલ્થ કેર સેવાઓ પૂરી પાડે છે અને આ કમાગીરીના 15 વર્ષ પૂર્ણ થયા છે.
કાર્યક્રમના મુખ્ય મહેમાન જય ચૌધરીએ NCIAP ના પ્રભાવની પ્રશંસા કરી અને જાહેર સેવા, બિઝનેસ અને હેલ્થકેરમાં ભારતીય અમેરિકન સમુદાયની વ્યાપક સિદ્ધિઓ પર પ્રકાશ પાડ્યો હતો. તેમણે કહ્યું હતુ કે NCIAP નું કાર્ય તેના સમર્થકોની સામૂહિક ઉદારતા અને સેવા વિના શક્ય ન હોત.
2011માં સ્થપાયેલ, NCIAP ડાયરેક્ટ-પે હેલ્થકેર મોડેલ ચલાવે છે, જે પ્રાયમરી અને સ્પેસ્યાલીટી કેર આપે છે જેમાં મોટાભાગની એપોઇન્ટમેન્ટ $55થી શરૂ થાય છે. છેલ્લા 15 વર્ષોમાં, તેમણે રેલેમાં આવેલા તેમના ક્લિનિક દ્વારા 60,000 થી વધુ દર્દીઓની મુલાકાત લીધી છે અને વાર્ષિક 5,000થી વધુ દર્દીઓની સેવા કરી છે અને ઇમરજન્સી સેવાઓ પર દબાણ ઘટાડ્યું છે.
કાર્યક્રમમાં સાંજે નેહા વર્મા દ્વારા સંગીત સહિત સાંસ્કૃતિક પ્રદર્શન પણ રજૂ કરવામાં આવ્યું હતું, અને લાંબા સમયથી સેવા આપતા વોલંટીયર્સ અને બોર્ડ મેમ્બર્સને તેમના યોગદાન માટે સન્માનિત કરવામાં આવ્યા હતા.
ફોટો સૌજન્ય NCIAP
