T20 વર્લ્ડ કપ 2026માં ઝિમ્બાબ્વેની ટીમે ઓસ્ટ્રેલિયા પછી શ્રીલંકાની ટીમને પણ હરાવી બીજો મોટો અપસેટ સર્જ્યો હતો. આ ટુર્નામેન્ટમાં ઝિમ્બાબ્વેની ટીમ ગ્રુપ Bમાં ટોપ પર રહી હતી. આ પરિણામથી ચાહકો અને નિષ્ણાતો બંને ચોંકી ગયા હતાં. અગાઉ ઝિમ્બાબ્વેએ ઓસ્ટ્રેલિયાને હરાવ્યું હતું, જે પછી ઓસ્ટ્રેલિયન ક્રિકેટ ટીમ આ ટુર્નામેન્ટમાંથી બહાર ફેંકાઈ ગઈ હતી.
કોલંબો સ્ટેડિયમમાં રમાયેલી મેચમાં શ્રીલંકાએ પહેલા બેટિંગ કરતા 178 રન બનાવ્યાં હતાં અને ઝીમ્બાબ્વેએ આ સ્કોર સરળતાથી હાંસલ કર્યો હતો. 179 રનના ટાર્ગેટનો પીછો કરવા ઉતરેલી ઝિમ્બાબ્વેની ટીમને બ્રાયન બેનેટ અને તાડિવાનાશે મરૂમાનીએ શાનદાર પ્રારંભ કર્યો હતો અને અને 69 રનોની ઓપનિંગ ભાગીદારી કરી હતી. 10 ઓવરમાં તેને માત્ર 78 રન બનાવ્યા હતાં.
જોકે આ પછી એક બાજુ બ્રાયન બેનેટે મોરચો સંભાળ્યો હતો, જે મેચમાં 63 રન બનાવીને અણનમ રહ્યો હતો. ઈનિંગની 12મી ઓવરમાં કેપ્ટન સિકંદર રઝા બેટિંગ કરવા આવ્યો હતો અને ચોગ્ગા-છગ્ગાનો વરસાદ કર્યો હતો. અંતિમ 10 ઓવરમાં ઝિમ્બાબ્વેને જીત માટે 101 રન બનાવવાના હતાં. સિકંદર રઝાની 45 રનની તોફાની ઈનિંગ રમી હતી.
