એન્ડ્ર્યુની ધરપકડ બ્રિટનની રાજાશાહી માટે વિનાશક ફટકા સમાન છે. કારણ કે આધુનિક ઇતિહાસમાં બ્રિટિશ શાહી પરિવારના કોઈ વરિષ્ઠ સભ્યને પોલીસ કસ્ટડીમાં લેવામાં આવ્યો હોય તેવું આ પહેલી વખત બન્યું છે. છેલ્લે 1554માં એલિઝાબેથ ટ્યુડરની ધરપકડ કરવામાં આવી હતી.
એક્ટ્સ ઓફ યુનિયનના ઘણા દાયકાઓ પહેલા અને આધુનિક પોલીસિંગની રજૂઆત પહેલા લગભગ 200 વર્ષ પહેલાનું હતું.
બર્મિંગહામ સિટી યુનિવર્સિટીમાં પોલીસિંગના સિનિયર લેક્ચરર ઓ’બ્રાયન ગ્રાન્ડિસને કહ્યું હતું કે ‘આધુનિક ઇતિહાસમાં ધરપકડ કરાયેલા એન્ડ્ર્યુ પ્રથમ વરિષ્ઠ રાજવી છે અને આ યુકેની પોલીસિંગ પ્રામાણિકતાને પ્રતિબિંબિત કરે છે.
2002માં પ્રિન્સેસ રોયલ એનનો ઇંગ્લિશ બુલ ટેરિયર ‘ડોટી’ વિન્ડસર ગ્રેટ પાર્કમાં વોક દરમિયાન બે બાળકોને કરડતા તેમને ફોજદારી ગુનામાં દોષિત ઠેરવવામાં આવ્યા હતા. તેમણે ડેન્જરસ ડોગ એક્ટ હેઠળ આરોપને સ્વીકાર્યો હતો. જોકે, એન અને તેના પતિ કોમોડોર ટિમ લોરેન્સને ધરપકડ કર્યા વિના કોર્ટમાં બોલાવવામાં આવ્યા હતા. એન રાજવી પરિવારના પ્રથમ સભ્ય એન બન્યા હતી.
બીજા કેસમાં 70 માઇલ પ્રતિ કલાકના ઝોનમાં 93 માઇલ પ્રતિ કલાકની ઝડપે વાહન ચલાવવા બદલ તેણીને થોડા મહિના પહેલા જ £400નો દંડ ફટકારવામાં આવ્યો હતો.
2019માં, નોર્ફોકમાં સેન્ડરિંગહામ એસ્ટેટ વિન્ડસર ખાતે બે મહિલાઓ અને એક બાળક ધરાવતી કાર સાથે અથડાયા બાદ પ્રિન્સ ફિલિપે સ્વેચ્છાએ તેમનું ડ્રાઇવિંગ લાઇસન્સ સોંપી દીધું હતું. જો કે ક્રાઉન પ્રોસિક્યુશન સર્વિસે પાછળથી પુષ્ટિ કરી હતી કે તે સમયે 97 વર્ષના વયના પ્રિન્સ ફિલિપને અકસ્માત બદલ કાર્યવાહીનો સામનો કરવો પડશે નહીં.
પ્રિન્સેસ એનની પુત્રી ઝારા ટિન્ડલે ઝડપથી વાહન ચલાવતા તેના લાયસન્સ પરના પોઇન્ટની સંખ્યા 12-પોઇન્ટની મર્યાદા કરતાં વધી જતા તેમના પર છ મહિનાનો ડ્રાઇવિંગ પ્રતિબંધ લગાવાયો હતો.
