અખાતી દેશોમાં ચાલી રહેલા યુદ્ધ અને અમેરિકા-ઈરાન વચ્ચે કાયમી શાંતિ સ્થાપવા માટે પાકિસ્તાન મધ્યસ્થતા કરી રહ્યું છે. આ મુદ્દે ચર્ચા કરવા માટે અમેરિકાના વાઇસ પ્રેસિડેન્ટ જેડી વેન્સ પાકિસ્તાન પહોંચ્યા છે. આ ચર્ચા માટે ઇરાનના ટોચના પ્રતિનિધિઓ પણ ઇસ્લામાબાદ પહોંચી ગયા છે.
અમેરિકા અને ઈરાન વચ્ચે છ અઠવાડિયાથી ચાલી રહેલા યુદ્ધનો અંત લાવવા બંને ચર્ચા કરવા ઈરાનના પ્રતિનિધિઓમાં સંસદના સ્પીકર મોહમ્મદ બધેર ગાલિબફ અને વિદેશ પ્રધાન અબ્બાસ અરાઘચી ઇસ્લામાબાદ ગયા છે. અમેરિકન પ્રતિનિધિમંડળમાં વાઇસ પ્રેસિડેન્ટ વેન્સની સાથે સ્ટીવ વિટકોફ અને જેરેડ કુશનર જોડાયા છે. આ ચર્ચા એવા સમયે થઈ રહી છે જ્યારે બંને દેશો વચ્ચે યુદ્ધવિરામ લાગુ છે, પરંતુ લેબેનોનમાં ઈઝરાયેલ કાર્યવાહી કરી રહ્યું હોવાથી રાજદ્વારી પ્રયત્નો મુશ્કેલ બની રહ્યા છે.
