બિઝનેસ સેક્રેટરી તરીકેના કાર્યકાળ દરમિયાન જેફરી એપ્સટેઇનને બજાર-સંવેદનશીલ અથવા ગુપ્ત સરકારી માહિતી આપના સહિત પબ્લિક ઓફિસમાં ગેરવર્તણૂકની શંકાના આધારે ધરપકડ કરાયેલા 72 વર્ષીય ભૂતપૂર્વ લેબર કેબિનેટ મિનિસ્ટર લોર્ડ પીટર મેન્ડેલસનને જામીન પર મુક્ત કરવામાં આવ્યા છે.
પીટરને સોમવાર તા. 22ના રોજ તેમના લંડનના ઘરેથી અટકાયતમાં લેવામાં આવ્યા હતા અને પૂછપરછ માટે પોલીસ સ્ટેશન લઈ જવામાં આવ્યા હતા અને મંગળવારે મળસ્કે તેમને વધુ પૂછપરછ માટે જામીન પર મુક્ત કરવામાં આવ્યા હતા.
2009માં યુએસ ડિપાર્ટમેન્ટ ઓફ જસ્ટિસ દ્વારા પ્રકાશિત ઇમેઇલ્સમાં ગોર્ડન બ્રાઉન સરકારની નીતિની ચર્ચાઓના સંદર્ભો શામેલ હોવાનું કહેવાય છે. મેન્ડેલસને સતત કોઈપણ ગેરરીતિનો ઇનકાર કર્યો છે.
પોલીસે અગાઉ તેમની કેમડેન અને વિલ્ટશાયરમાં મિલકતો પર સર્ચ વોરંટ બજાવ્યા હતા. ક્રાઉન પ્રોસિક્યુશન સર્વિસે હજુ સુધી પ્રારંભિક તપાસ સલાહ આપી નથી.
યુ.એસ.માં યુકેના રાજદૂત તરીકે મેન્ડેલસનની ભૂતકાળની નિમણૂક અંગે વડા પ્રધાન કેર સ્ટાર્મરને ટીકાનો સામનો કરવો પડ્યો હતો. સરકારે પુષ્ટિ આપી છે કે ચાલુ પોલીસ તપાસને કારણે સંબંધિત દસ્તાવેજોના પ્રકાશનમાં વિલંબ થશે.
