ભારતના શટલર લક્ષ્ય સેનને ઓલ ઈંગ્લેન્ડ બેડમિંટન ચેમ્પિયનશિપનો તાજ ફરી એકવાર હાથતાળી આપી ગયો છે. રવિવારે (8 માર્ચ) ફાઈનલમાં લક્ષ્યના ભારે સંઘર્ષ છતાં ચાઈનીઝ તાઈપેઈના હરીફ લિન યુન-યી સામે ફાઈનલમાં તેનો સીધી સ્પર્ધામાં 21-15, 22-20થી પરાજય થયો હતો.
પ્રકાશ પાદુકોણે અને એ પછી પુલેલા ગોપીચંદે અહીં ચેમ્પિયનનો તાજ ધારણ કર્યા પછી છેલ્લા 25 વર્ષથી કોઈ ભારતીય ખેલાડીને અહીં સર્વોચ્ચ સફળતા મળી નથી.
જો કે, આ વર્ષે ફાઈનલમાં શિકસ્ત પહેલા લક્ષ્ય સેને ટોપ સીડેડ શિ યુ કી તથા ગત વર્ષના ઓલ ઈંગ્લેન્ડ ચેમ્પિયન લિ શિફેંગને હરાવ્યા હતા.
ભારતની પુરૂષોની ડબલ્સની સાત્વિક સાઈરાજ અને ચિરાગ શેટ્ટીની જોડીનો પ્રથમ રાઉન્ડમાં જ પરાજય થયો હતો,
