આ ફિલ્મની શરૂઆત એક હૃદયદ્રાવક ઘટનાથી થાય છે, એક અર્ધનગ્ન મહિલા-પરિમા (કાની કુશ્રુતિ) વિકૃત અવસ્થામાં, રેલ્વે ટ્રેક પર ફેંકી દીધેલી હાલતમાં જોવા મળે છે. તે શિક્ષિકા છે, અને તેના પતિ વિનય (મોહમ્મદ ઝીશાન અયુબ) અને પુત્ર સાથે સામાન્ય અને સુખી જીવન જીવી રહી હોય છે.
એક રાત્રે, મિત્રની વિદાય પાર્ટીમાંથી પરત ફરતી વખતે, પાંચ યુવાનો તેનું મેટ્રો સ્ટેશન પરથી બળજબરીપૂર્વક અપહરણ કરે છે, તેઓ ચાલતી કારમાં એક પછી એક તેના પર દુષ્કર્મ આચરે છે, અને પછી તેને બેભાન અવસ્થામાં રેલવેના પાટા પર ફેંકી દે છે.
એક અજાણી વ્યક્તિ તેને હોસ્પિટલ લઈ જાય છે. પોલીસ ઘટનાની તપાસ કરે છે અને શરૂઆતમાં ચાર શંકમંદોની ધરપકડ કરે છે, અને વિનયનો મિત્ર, કાર્તિક (કુમુદ મિશ્રા) આ કેસ વકીલ રાવી (તાપસી પન્નુ) સુધી પહોંચાડે છે. આ દરમિયાન, આરોપીના પિતા, દીપરાજ (મનોજ પાહવા), કાવાદાવા કરીને તેના પુત્રને બચાવવામાં સફળ થાય છે. બીજી તરફ કાર્તિક પોતે તેની પત્નીના આકસ્મિક મૃત્યુના આઘાતમાં હોય છે.
જ્યારે તે જુએ છે કે પરિમાને ન્યાય મળવાને બદલે તેની મજાક ઉડાવવામાં આવી રહી છે, ત્યારે તે કાયદો પોતાના હાથમાં લે છે, અને ગુનેગારોનો ખાતમો બોલાવવા આગળ આવે છે. હવે પ્રશ્ન એ છે કે, શું રાવી પરિમાને તેની કાયદાકીય લડત દ્વારા ન્યાય અપાવી શકશે, કે પછી કાર્તિકનો તેનો બદલો લેવામાં સફળ થશે ? તે જાણવા માટે, આ ફિલ્મ જોવી રહી.
આ ફિલ્મનું દિગ્દર્શન અનુભવ સિંહાએ કર્યું છે, તેમણે અગાઉ ‘મુલ્ક’, ‘થપ્પડ’, ‘આર્ટિકલ 15’, ‘અનેક’, અને ‘ભિડ’ જેવી સામાજિક સમસ્યા દર્શાવતી ફિલ્મોનું નિર્માણ કર્યું છે. ‘
