BAPS શ્રી સ્વામિનારાયણ મંદિર, લેસ્ટરના સ્વયંસેવકો દ્વારા રાષ્ટ્રવ્યાપી પહેલ ‘ગ્રેટ બ્રિટિશ સ્પ્રિંગ ક્લીન – કીપ બ્રિટન ટાઇડી’ના ભાગરૂપે ગોલ્ડન માઇલ અને કોસિંગ્ટન પાર્ક જેવા જાણીતા સ્થાનિક વિસ્તારો સહિત બેલગ્રેવની શેરીઓ સાફ કરવા અભિયાન હાથ ધર્યું હતું.
આ પહેલ અંતર્ગત સ્થાનિક વિસ્તારની શેરીઓ અને પાર્ક્સને સ્વચ્છ, હરિયાળા અને તેજસ્વી બનાવવામાં મદદ કરવામાં આવે છે. આ સફાઇ કામગીરીમાં સ્થાનિક વોર્ડ કાઉન્સિલરો શ્રી જયંતિલાલ ગોપાલ, શ્રી શિતલ આડતીયા અને તેમના પત્ની, શ્રી દમણિયા, માછી મહાજનના પ્રમુખ શ્રી પ્રમોદભાઈ ટંડેલ જોડાયા હતા.
સ્થાનિક રહેવાસીઓ તરફથી પણ આ સફાઇ કામગીરીને ખૂબ જ સરસ અને સકારાત્મક પ્રતિસાદ મળ્યો હતો અને કામગીરી જોઇને ઘણા લોકો સમુદાયની ભાવનાથી પ્રોત્સાહિત થયા હતા. તો ઘણા લોકોએ ભવિષ્યના સફાઇ કાર્યક્રમોમાં જોડાવા માટે ઉત્સુકતા દર્શાવી હતી.
સફાઇ કામગીરીમાં ભાગ લેનારા અને વાસ્તવિક ફરક લાવવામાં મદદ કરનારા દરેકનો હૃદયપૂર્વક આભાર માનવામાં આવ્યો હતો.
