આ અઠવાડિયે બિઝનેસ રેટ્સમાં મોટા પાયે ફેરફારો અમલમાં આવતા બ્રિટનની ઔદ્યોગિક કરોડરજ્જુને “ખતરનાક” નાણાકીય તાણનો સામનો કરવો પડી રહ્યો છે. ચીજ વસ્તુઓના ઉત્પાદન સાથે સંકળાયેલા નેતાઓએ ચેતવણી આપી છે કે ટેક્સરેટ્સના પરિવર્તનથી ક્ષેત્રને લગભગ £1 બિલિયનનું નુકસાન થશે અને 25,000 નોકરીઓ ગુમાવવી પડી શકે છે.
મેક યુકેના નવા વિશ્લેષણમાં જણાવાયું છે કે ચાન્સેલર રેચલ રીવ્સ દ્વારા રજૂ કરાયેલા સુધારાઓને પગલે ફેક્ટરીઓ આ વર્ષે વધારાના £939 મિલિયન ચૂકવવા પડશે. આ વધારા ઉપરાંત યુએસ-ઇઝરાયલ-ઈરાન સંઘર્ષના કારણે થયેલા ફૂગાવા અને લઘુત્તમ વેતનમાં વધારાવા કારણે આંચકા લાગી રહ્યા છે. ઉદ્યોગ નિષ્ણાતો દલીલ કરે છે કે વર્તમાન વ્યાપાર દર પ્રણાલી મૂળભૂત રીતે ખામીયુક્ત છે.
મેક યુકેના વેરિટી ડેવિડે જણાવ્યું હતું કે “આ સિસ્ટમ જૂની થઈ ગઈ છે. તે એવા ઉત્પાદકોને દંડ કરે છે જેઓ આર્થિક ઉત્પાદનમાં 10% ફાળો આપે છે પરંતુ ઈંગ્લેન્ડ અને વેલ્સમાં કુલ રેટેબલ પ્રોપર્ટી મૂલ્યના 20% થી વધુનો ભોગ બને છે.”
ING ના વિશ્લેષકોએ સૂચવ્યું છે કે વ્યાપક ઇરાન સંઘર્ષ આખરે યુકેને અસ્થિર એનર્જી માર્કેટ અને નબળા બિઝનેસ વિશ્વાસને કારણે તમામ ક્ષેત્રોમાં 100,000 નોકરીઓ જઇ શકે છે.
મેક યુકેએ સરકારને બિઝનેસ રેટ્સને ટર્નઓવર સાથે જોડવા અને ટકાઉ નાણાકીય આયોજનને મંજૂરી આપવા માટે ભવિષ્યના કરવેરા પરિવર્તન માટે ઓછામાં ઓછા 12 મહિનાની નોટિસ આપવા વિનંતી કરી છે.
