સૈયદ મુશ્તાક અલી ટ્રોફીમાં પંજાબના કેપ્ટન અભિષેક શર્માએ રવિવાર, 30 નવેમ્બરે મોહમ્મદ શમી અને આકાશ દીપ સહિતના બંગાળના અનુભવી બંગાળ બોલિંગ આક્રમણ સામે 52 બોલમાં 148 રન ફટકારી રનનું તોફાન મચાવ્યું હતું. પંજાબના કેપ્ટને ૧૨ બોલમાં પાંચ છગ્ગા અને એટલા જ ચોગ્ગા ફટકારીને ૫૦ રનનો આંકડો પૂરો કર્યો હતો, જે આ ફોર્મેટમાં એક રેકોર્ડ છે.
આ ઉપરાંત ડાબા હાથના આ બેટ્સમેને 32 બોલમાં પોતાની સદી પૂરી કરી હતી. જે T20માં કોઈ ભારતીય દ્વારા ત્રીજી સૌથી ઝડપી સદી હતી. માત્ર 32 બોલમાં પોતાની સદી પૂરી કરી, જેમાં 11 છગ્ગા અને 7 ચોગ્ગા સામેલ હતા. તેને કુલ 52 બોલમાં 16 છગ્ગા અને 8 ચોગ્ગાની મદદથી વિસ્ફોટક 148 રન બનાવ્યા.
અભિષેક શર્માની ટી20 ક્રિકેટમાં આ 8મી સદી છે. 157 ઇનિંગ્સમાં આ સિદ્ધિ મેળવીને, તે ટી20 ક્રિકેટમાં સૌથી વધુ સદી ફટકારનારા ભારતીય બેટ્સમેનોમાં પૂર્વ કેપ્ટન રોહિત શર્માની બરાબરી પર પહોંચી ગયો હતો. ભારતીય બેટ્સમેનોમાં હવે તેના કરતાં વધુ ટી20 સદી (9 સદી) માત્ર વિરાટ કોહલીના નામે છે.
