અમેરિકન હોટેલ એન્ડ લોજિંગ એસોસિએશન, અમેરિકન ફેમિલીઝ એન્ડ વર્કર્સ એક્ટ માટે ટેક્સ રાહત, H.R. 7024 માટે સમર્થન એકત્ર કરવા માટે રાષ્ટ્રવ્યાપી “ટેક્સ ડે ઑફ એક્શન” ઝુંબેશનું નેતૃત્વ કરી રહ્યું છે. એસોસિએશને તેના 30,000 થી વધુ સભ્યોને બિલને ઝડપથી પસાર કરવા માટે સમર્થન મેળવવા માટે તેમના સેનેટરોનો સંપર્ક કરવા હાકલ કરી હતી.
AHLA એ એક નિવેદનમાં જણાવ્યું હતું કે, આ કાયદો હોટલ ઉદ્યોગ માટે ટેક્સ બ્રેક્સ પ્રદાન કરે છે, નવા રોકાણોને અને હાયરિંગને પ્રોત્સાહન આપે છે, જે આર્થિક અનિશ્ચિતતા દરમિયાન સ્પર્ધાત્મકતા જાળવવા માટે નિર્ણાયક છે.
જાન્યુઆરીમાં રિપબ્લિકન સેનેટર અને હાઉસ વેઝ એન્ડ મીન્સ કમિટીના અધ્યક્ષ જેસન સ્મિથ દ્વારા રજૂ કરાયેલા બિલને ગૃહમાં દ્વિપક્ષીય સમર્થન મળ્યું હતું અને હવે તે સેનેટની મંજૂરીની રાહ જોઈ રહ્યું છે.
“અમેરિકન પરિવારોને આ દ્વિપક્ષીય કરારથી ફાયદો થશે જે વધુ કર રાહત પ્રદાન કરે છે, મેઇન સ્ટ્રીટના વ્યવસાયોને મજબૂત બનાવે છે, ચીન સાથેની અમારી સ્પર્ધાત્મકતામાં વધારો કરે છે અને નોકરીઓનું સર્જન કરે છે,” એમ સ્મિથે જણાવ્યું હતું.
“અમે ઇમરજન્સી રાહત પણ આપીએ છીએ અને નાના વ્યવસાયો માટે અમલદારશાહીના અવરોધો દૂર કરીએ છીએ, કોવિડ યુગના કાર્યક્રમનો અંત કરવાથી કરદાતાઓના અબજો ડોલરની રકમ ફ્રોડમાં જતી અટકશે. આ કાયદો 21 મિલિયન નોકરીઓને ટેકો આપતી ચાવીરૂપ જોગવાઈઓ સાથે સાબિત પ્રો-ગ્રોથ,પ્રો-અમેરિકા છે. હું આ કાયદો પસાર કરવા માટે મારા સાથીદારો સાથે કામ કરવા આતુર છું.
AHLA જણાવ્યું હતું કે ટેક્સ ડે ઓફ એક્શન મેમ્બરશિપ મોબિલાઇઝેશન એ બિલના સમર્થનમાં હોટેલીયર્સને તેમના સેનેટરોનો સંપર્ક કરવા માટે પ્રોત્સાહિત કરવા માટે તેમની કમાણી, માલિકી અને સોશિયલ મીડિયા સંપર્કનો ઉપયોગ કરી રહી છે.
