મે 2020માં કડક કોવિડ નિયમો લાગુ કરાયા હતા ત્યારે 10 ડાઉનિંગ સ્ટ્રીટના બગીચામાં વાઇન અને ચીઝ પાર્ટીમાં વડા પ્રધાન, તેમની પત્ની અને 17 જેટલા સ્ટાફની હાજરીની તસવીરો ‘ધ ગાર્ડિયન’ અખબાર દ્વારા પ્રકાશિત થયા બાદ વડા પ્રધાન દબાણ હેઠળ છે. જો કે ડાઉનિંગ સ્ટ્રીટે આ વર્ક મીટિંગ ઇમેજનો બચાવ કર્યો છે. વિવેચકો કહે છે કે તેમેણે ગયા વર્ષે લોકડાઉન પ્રતિબંધોના ભંગ કરી જાહેર વિશ્વાસને નુકસાન પહોંચાડ્યુ છે. ડાઉનિંગ સ્ટ્રીટની માફી માંગવામાં નિષ્ફળતાએ બળતામાં ઘી ઉમેર્યું હતું.
