વડા પ્રધાન ઋષિ સુનક માર્ચ 2024ના અંતમાં આવતા ઈસ્ટર પહેલા ભારત સાથે મુક્ત વેપાર કરાર (FTA) કરવા માટે આતુર છે એમ યુકેના ડેઇલી એક્સપ્રેસે અહેવાલમાં જણાવ્યું છે.
ભારત-યુકે FTA વાટાઘાટો જાન્યુઆરી 2022માં શરૂ થઈ હતી, જેનો હેતુ £36-બિલિયનની દ્વિપક્ષીય વેપાર ભાગીદારીને નોંધપાત્ર રીતે વધારવાનો હતો. 15મી ડિસેમ્બરે તેનો તેરમો રાઉન્ડ પૂરો થયા પછી વાટાઘાટોનો નવો અને છેલ્લો મનાતો રાઉન્ડ નવા વર્ષની શરૂઆતમાં શરૂ થશે.
વડાપ્રધાન શ્રી સુનક અને ભારતના વડા પ્રધાન નરેન્દ્ર મોદી 1 એપ્રિલથી ભારતની સામાન્ય ચૂંટણીઓ શરૂ થાય તે પહેલાં ડીલ પર હસ્તાક્ષર અને સીલ કરી શકે છે. વાટાઘાટોમાં ઘણી પ્રગતિ થઈ છે, પરંતુ કેટલાક “સૌથી મુશ્કેલ” પાસાઓ બાકી છે. અમારી પાસે તેમની ચૂંટણીની સમયમર્યાદા છે.”
યુકેને આશા છે કે એફટીએ ભારતમાં સ્કોચ વ્હિસ્કી, કાર, સેવાઓ અને રોકાણની તકો ખોલશે. દરમિયાન, ભારત તેની ઉત્પાદિત ચીજવસ્તુઓ અને સેવાઓ અને વ્યાવસાયિક વિઝા પરના સોદાની વધુ સારી પહોંચ મેળવવાની માંગ કરશે.
ભારતના વિદેશ પ્રધાન એસ જયશંકરે ગયા મહિને યુકેની મુલાકાતે આવ્યા ત્યારે સુનક અને અન્ય વરિષ્ઠ કેબિનેટ પ્રધાનો સાથે બેઠકો કરી હતી. આ અગાઉ પૂર્વ વડા પ્રધાન બોરિસ જોન્સને દિવાળી 2022 પહેલા ભારત-યુકે FTAની સમયરેખા નક્કી કરી હતી.
