ભારતે ગુરુવારે રેલવે આધારિત મોબાઇલ લોન્ચર સિસ્ટમથી મધ્યમ-અંતરની અગ્નિ-પ્રાઇમ મિસાઇલનું સફળ પરીક્ષણ કર્યું હતું. રાષ્ટ્રીય રેલ્વે નેટવર્ક સાથે સંકલિત ખાસ ડિઝાઇન કરેલા પ્લેટફોર્મનો ઉપયોગ કરીને ભારતે પ્રથમ વખત આવું પરીક્ષણ કર્યું હતું.
સંરક્ષણ પ્રધાન રાજનાથ સિંહે X પરના એક નિવેદનમાં સફળ પરીક્ષણની પુષ્ટિ કરીને “તેના પ્રકારનું પ્રથમ પ્રક્ષેપણ” ગણાવ્યું હતું. સફળ પ્રક્ષેપણ ભારત હવે રશિયા, અમેરિકા અને ચીન જેવા એલિટ દેશોની યાદીમાં સામેલ થયું છે. આ દેશ પાસે રેલકાર-આધારિત ઇન્ટરકોન્ટિનેન્ટલ બેલિસ્ટિક મિસાઇલો અથવા ICBM ફાયર કરવાની ક્ષમતા છે.
મોબાઈલ લોન્ચર સિસ્ટમથી અગ્નિ-પ્રાઇમ મિસાઇલનું સફળતાપૂર્વક પરીક્ષણનો અર્થ એ થાય છે કે ભારતને હવે શ્રીહરિકોટામાં મિસાઇલ લોન્ચ કરવા માટે લોન્ચર જેવા લોન્ચરની જરૂર રહેશે નહીં. આ મિસાઇલને ચાલતી ટ્રેનમાં ગમે ત્યાંથી લોન્ચ કરી શકાય છે.
અગ્નિ-પ્રાઇમ મિસાઇલ એ આગામી પેઢીની મિસાઇલ છે. 2,000 કિ.મી સુધીની રેન્જ માટે ડિઝાઇન કરાયેલ, તે અસંખ્ય અને વિવિધ અદ્યતન સુવિધાઓથી સજ્જ છે. ભારત હવે એવા ગણતરીના દેશોમાં સામેલ થઈ ગયું જેની પાસે મોબાઇલ રેલ નેટવર્કથી કેનિસ્ટરાઇઝ્ડ લૉન્ચ સિસ્ટમ વિકસિત કરવાની ક્ષમતા છે.
