અમેરિકામાં એક ભારતીય નાગરિકને ફ્લાઇટમાં દુર્વ્યવહારપૂર્ણ જાતીય સંપર્ક અને હુમલાના આરોપમાં દોષિત ઠેરવવામાં આવ્યો હતો. 38 વર્ષીય વરુણ અરોરા ગેરકાયદેસર રીતે અમેરિકામાં રહે છે. મે મહિનામાં બે વર્ષ સુધીની જેલની સજા થવાની શક્યતા છે.
કોર્ટના રેકોર્ડ અને ટ્રાયલમાં રજૂ કરાયેલા પુરાવા અનુસાર ઓગસ્ટ 2024માં રોડ આઇલેન્ડ આંતરરાષ્ટ્રીય એરપોર્ટથી રોનાલ્ડ રીગન વોશિંગ્ટન નેશનલ એરપોર્ટ જતી ફ્લાઇટ દરમિયાન, એક મુસાફર જાગીને જોયું કે અરોરા તેને જાતીય રીતે સ્પર્શ કરી રહ્યો હતો. સ્લીપ માસ્ક પહેરેલા અરોરાએ પીડિતા પર વારંવાર હાથ ફેરવ્યો હતો. તેને ઉંઘમાં હોવાનો ડોળ કર્યો હતો અને હાથ હટવવાની પીડિતાની વિનંતીને ધ્યાનમાં લીધી ન હતી.
ફેડરલ ડિસ્ટ્રિક્ટ કોર્ટના ન્યાયાધીશ અમેરિકાની સજા માર્ગદર્શિકા અને અન્ય કાનૂની પરિબળોને ધ્યાનમાં લીધા પછી સજા નક્કી કરશે.
