કન્ઝર્વેટિવ નેતા કેમી બેડેનોક ઇસ્લામિક ઉગ્રવાદની વ્યાપક સમીક્ષાના ભાગ રૂપે બુરખા પર પ્રતિબંધ મૂકવાનું વિચારી રહ્યા હોવાનું કહેવાય છે. આ દરખાસ્ત, એકીકરણ અને સામાજિક એકતા પર ટોરી વલણને નોંધપાત્ર રીતે કડક હોવાનું જણાવે છે.
શેડો હોમ સેક્રેટરી ક્રિસ ફિલ્પ અને શેડો જસ્ટિસ સેક્રેટરી નિક ટિમોથી પણ બુરખા પરના પ્રતિબંધના પ્રસ્તાવને “ઝીણવટથી જોઈ રહ્યા” હોવાનું માનવામાં આવે છે. ફિલ્પે ચિંતા વ્યક્ત કરી છે કે ફક્ત આંખો જ દેખાય તેવું ચહેરા પરનુ આવરણ “વિભાજનકારી” છે અને યુકેના સામાજીક એકીકરણમાં અવરોધો ઉભા કરે છે. પક્ષના પ્રવર્તતો આ મત કન્ઝર્વેટિવ્સને રિફોર્મ યુકે સાથે સમાન બનાવે છે. રીફોર્મના પ્રવક્તા ઝિયા યુસુફે તાજેતરમાં દલીલ કરી હતી કે બુરખાથી બાલાક્લાવા સુધીના ચહેરાને ઢાંકવાના પગલાં ઉદાર લોકશાહીમાં “બિન-બ્રિટિશ” છે.
બન્ને પક્ષોની આ દરખાસ્ત લેબર સરકાર સાથે એક સ્પષ્ટ “વિભાજનકારી રેખા” બનાવે છે. પ્રથમ મુસ્લિમ મહિલા હોમ સેક્રેટરી શબાના મહમૂદે જણાવ્યું છે કે સરકાર પાસે પોશાક પર પ્રતિબંધ લગાવવાનો, પછી ભલે તે “મિનિસ્કર્ટ હોય કે બુરખો” કોઇ બિઝનેસ નથી.
શ્રીમતી બેડેનોકે આ અગાઉ શરિયા કોર્ટ અને સાંપ્રદાયિકતા જેવા “વધુ કપટી” જોખમોને સંબોધવાને પ્રાથમિકતા આપી હતી. તાજેતરના ‘મોર ઇન કોમન’ મતદાન દર્શાવે છે કે 56% લોકો હવે બુરખા પરના પ્રતિબંધને સમર્થન આપે છે.
જો તેને અમલમાં મૂકવામાં આવશે તો યુકે ઘણા યુરોપિયન અને મુસ્લિમ બહુમતી ધરાવતા દેશોમાં જોડાશે.
