ન્યુયોર્કના ફ્લશિંગ ખાતે ગણેશ મંદિર તરીકે જાણીતા હિન્દુ ટેમ્પલ સોસાયટી ઓફ નોર્થ અમેરિકાના શ્રી મહાવલ્લભ ગણપતિ દેવસ્થાનમ ખાતે થેંક્સગિવીંગ સાંસ્કૃતિક કાર્યક્રમનું આયોજન કરવામાં આવ્યું હતું ક્વીન્સમાં સેવા, સંસ્કૃતિ અને એકતાની ઉજવણી કરવા માટે સ્વયંસેવકો, સમુદાયના નેતાઓ અને અધિકારીઓને એકઠા થયા હતા.
સ્ટેટ સેનેટર જોન સી. લિયુ અને કાઉન્સિલ સભ્ય સાન્દ્રા ઉંગે મૈસુરકરને અભિનંદન આપી ફ્લશિંગના સમુદાય પર તેમના પ્રભાવની પ્રશંસા કરી હતી.
આ પ્રસંગે આર્ટ્સ4ઓલ ફાઉન્ડેશન દ્વારા મંદિરના પ્રમુખ ડૉ. ઉમા મૈસુરકરને લાઇફટાઇમ એચિવમેન્ટ અને એક્સેલન્સ ઇન લીડરશીપ એવોર્ડ ઓનાયત કરાયો હતો. સ્થાપક ડૉ. સુમિતા સેનગુપ્તાએ માનવ અધિકારો, મહિલા સશક્તિકરણ, હેલ્થ કેર અને સાઉથ એશિયન અમેરિકન સમુદાયના વિકાસમાં દાયકાઓના નેતૃત્વ માટે મૈસુરકરની પ્રશંસા કરી હતી.
આ વાર્ષિક કાર્યક્રમમાં તમામ ઉંમરના સ્વયંસેવકો દ્વારા સંગીત, નૃત્ય અને નાટ્ય પ્રદર્શનો રજૂ કરાયા હતા. 1977માં સ્થાપિત, ગણેશ મંદિર ફ્લશિંગમાં એક સાંસ્કૃતિક એન્કર છે, જે પરંપરાગત ભારતીય આધ્યાત્મિક પ્રથાઓ, ભોજન, સ્થાપત્ય અને શૈક્ષણિક કાર્યક્રમો પ્રદાન કરે છે.
આ એવોર્ડ સ્વીકારતા, મૈસુરકરે મંદિરના સ્વયંસેવકો અને ભક્તોને શ્રેય આપતાં કહ્યું હતું કે તેમનું સામૂહિક સમર્પણ “આપણા સમુદાયમાં કાયમી યોગદાન બનાવે છે.”
