આઈસીસી મેન્સ T20 વર્લ્ડ કપ 2026ની કોલકાતાના ઈડન ગાર્ડન્સ ખાતે બુધવાર, 4 માર્ચે રમાયેલી પ્રથમ સેમિફાઈનલમાં દક્ષિણ આફ્રિકાને આસાનીથી હરાવી ન્યૂઝીલેન્ડે ફાઇનલમાં પ્રવેશ કર્યો હતો. બીજી સેમિફાઇનલમાં ઇંગ્લેન્ડ અને ભારત વચ્ચે મુકાબલો થશે. આ મેચની વિજેતા ટીમ સામે ન્યૂઝીલેન્ડ ફાઇનલ રમશે. ન્યૂઝીલેન્ડની ટીમ આ ટુર્નામેન્ટમાં બીજી વખત પ્રવેશી છે.
દક્ષિણ આફ્રિકાએ ન્યૂઝીલેન્ડને 170 રનનો ટાર્ગેટ આપ્યો હતો. ન્યૂઝીલેન્ડે આક્રમક શરૂઆત કરી હતી અને માત્ર 12.5 ઓવરમાં 1 વિકેટના નુકસાને 173 રન બનાવીને 9 વિકેટથી શાનદાર વિજય મેળવ્યો હતો. ન્યૂઝીલેન્ડે ટોસ જીતીને પહેલા બોલિંગ કરવાનો નિર્ણય લીધો છે અને દક્ષિણ આફ્રિકા પહેલા બેટિંગ આપી છે.
ન્યૂઝીલેન્ડની આ જીતનો અસલી હીરો ઓપનર ફિન એલન રહ્યો હતો. તેને માત્ર 33 બોલમાં સદી ફટકારી ક્રિકેટ જગતમાં ખળભળાટ મચાવી દીધો હતી. ફિન એલને અનેક મોટા રેકોર્ડ્સ તોડ્યા હતાં. તે હવે ટી20 વિશ્વકપના ઈતિહાસમાં સૌથી ઝડપી સદી ફટકારનાર બેટ્સમેન બની ગયો છે. તેને વેસ્ટ ઈન્ડિઝના દિગ્ગજ ખેલાડી ક્રિસ ગેલનો 47 બોલનો રેકોર્ડ તોડી નાખ્યો હતો. આ ઉપરાંત, આંતરરાષ્ટ્રીય ટી20માં તે સંયુક્ત રીતે ત્રીજી સૌથી ઝડપી સદી ફટકારનાર ખેલાડી બન્યો છે.
અગાઉ પ્રથમ બેટિંગ કરતાં દક્ષિણ આફ્રિકાએ એક સમયે માત્ર 77 રન પર 5 વિકેટ ગુમાવી દીધી હતી, પરંતુ બાદમાં માર્કો યાનસેને 30 બોલમાં અણનમ 55 રનોની ઈનિંગ રમીને ટીમની વાપસી કરાવી હતી. ટ્રસ્ટન સ્ટબ્સે મહત્ત્વપૂર્ણ 29 રન બનાવ્યા હતાં. ન્યૂઝીલેન્ડ ટીમ માટે મૈટ હેનરી, કોલ મૈક્કોન્ચી અને રચિન રવીન્દ્રએ 2-2 વિકેટ ઝડપી હતી.
