રણવીર સિંઘની બહુચર્ચિત ફિલ્મ ‘ધુરંધર 2’ બોક્સ ઓફિસ પર ટંકશાળ પાડી રહી છે. આ ફિલ્મે પ્રથમ 10 દિવસમાં રૂ.1200 કરોડથી વધુનો બિઝનેસ કરીને ભારતની ટોચની પાંચ સૌથી વધુ કમાણી કરનારી ફિલ્મોમાં સ્થાન મેળવ્યું છે. આ ફિલ્મે રિલીઝના 10 દિવસમાં 10 મોટા રેકોર્ડ પોતાના નામે કર્યા હતા. આ ફિલ્મમાં રણવીર ઉપરાંત, રાકેશ બેદી, આર. માધવન અને સંજય દત્તના અભિનયને પણ દર્શકોએ આવકાર્યો હતો.
1. એડવાન્સ બૂકિંગમાં આ ફિલ્મે ફક્ત નવ દિવસમાં બૂક માય શૉના વેચાણની દ્રષ્ટિએ શાહરૂખ ખાનની ‘જવાન’ને પાછળ છોડીને ત્રીજું સ્થાન મેળવ્યું છે. બુક માય શો પર ‘ધુરંધર 2’ની 12.4 મિલિયનથી વધુ ટિકિટો વેચાઈ ચૂકી છે. જ્યારે વિકી કૌશલની ‘છાવા’ ફિલ્મની 12.59 મિલિયન ટિકિટો વેચાઈ છે. જેમાં ‘ધુરંધર’ ભાગ 1ની 13 મિલિયન ટિકિટ વેચાણ સાથે ટોચનું સ્થાન જાળવી રાખ્યું છે.
2. આ ફિલ્મે રિલીઝ પહેલાં જ કમાલ કરી હતી અને પેઇડ પ્રીવ્યૂના મામલે સૌથી વધુ કમાણી કરનારી ફિલ્મ તરીકેનો રેકોર્ડ બનાવ્યો હતો. આ પેઇડ પ્રીવ્યૂમાંથી ફિલ્મે રૂ. 43 કરોડનું કલેક્શન કર્યું હતું. સિનેમાના ઇતિહાસમાં આજ સુધી અન્ય કોઈ ફિલ્મ આવી નોંધપાત્ર સફળતા મેળવી શકી નથી.
3. આ ઉપરાંત ‘ધુરંધર 2’ ફિલ્મે સૌથી મોટી ઓપનિંગ ધરાવતી બોલીવૂડ ફિલ્મ બનવાનો રેકોર્ડ પોતાના નામે કર્યો છે, જેમાં પ્રથમ જ દિવસે લગભગ રૂ.240 કરોડનો બિઝનેસ કર્યો હતો.
4. આ ફિલ્મે માત્ર સાત દિવસમાં રૂ.1000 કરોડથી વધુ કમાણી કરવાની સિદ્ધિ મેળવી હતી. ‘પુષ્પા2’થી માત્ર ચાર દિવસમાં રૂ.1000 કરોડનો આંકડો પાર કર્યો હોવાથી સૌથી ઝડપી રૂ.1000ની કમાણી કરવામાં ‘ધુરંધર 2’ ફિલ્મે બીજું સ્થાન મેળવ્યું હતું.
5. ‘ધુરંધર-2’ ફિલ્મે ફક્ત 3 દિવસમાં રૂ.500 કરોડથી વધુની કમાણી કરી હોવાથી તે સૌથી ઝડપી 500 કરોડની કમાણી કરનારી પ્રથમ ફિલ્મ બની છે.
6. 2025માં ધુરંધર ફિલ્મ સૌથી વધુ ઓપનિંગ-ડે બિઝનેસ મેળવવામાં નિષ્ફળ રહી હતી. જોકે, તેની સીક્વલે તે ખામી પૂરી કરી દીધી હતી. આમ, આ ફિલ્મ વર્ષ 2026ની અત્યાર સુધીની સૌથી મોટી ઓપનિંગ પણ છે.
7. આ ફિલ્મે સતત છ દિવસ સુધી રૂ. 50 કરોડથી વધુનું દૈનિક કલેક્શન જાળવી રાખ્યું હતું. જ્યારે ફિલ્મ રિલીઝના શરૂઆતના સપ્તાહના અંતે ફિલ્મનું વિશ્વવ્યાપી કલેક્શન ત્રણ દિવસમાં રૂ.100 કરોડનો આંકડો પાર કર્યો હતો.
8. ‘ધુરંધર 2’ પ્રથમ અઠવાડિયામાં વિદેશી કલેક્શનમાં સૌધી વધુ રૂ.200 કરોડનું કલેક્શન કર્યું હતું. જોકે, ભૂતકાળમાં કેટલીક ફિલ્મોએ આ સિદ્ધિ હાંસલ કરી છે. પરંતુ ‘ધુરંધર 2’ એ વિદેશી માર્કેટમાં તમામ રેકોર્ડ તોડી નાખ્યા છે અને એક અઠવાડિયાના વિદેશી કલેક્શને આશ્ચર્યજનક રૂ.250 કરોડ સુધી પહોંચ્યું હતું.
9. આ ફિલ્મે સાઉથ ઇન્ડિયામાં પણ ધૂમ મચાવી છે. આમ, ‘ધુરંધર 2’એ રૂ.14 કરોડના કલેક્શન સાથે કેરાલમ્માં સૌથી વધુ બિઝનેસ કરનારી હિન્દી ફિલ્મનું સન્માન મેળવ્યું હતું. અગાઉ આ રેકોર્ડ શાહરૂખ ખાનની ‘જવાન’ના નામે હતો, જેણે ત્યાં રૂ.13 કરોડનો બિઝનેસ કર્યો હતો.
10. આમ, આ ફિલ્મે રૂ.1000થી વધુનું કલેક્શન કરતાં બોક્સ ઓફિસ પર સૌથી વધુ બિઝનેસ કરનારી મોખરાની 10 ફિલ્મોમાં સ્થાન મેળવ્યું છે. જોકે, હવે ‘ધુરંધર 2’એ કમાણીની દ્રષ્ટિએ ‘કલ્કી’, ‘પઠાણ’, ‘જવાન’ અને ‘કે.જી.એફ: ચેપ્ટર 2’ને પાછળ છોડી ચૂકી છે અને ટોચની પાંચ ફિલ્મોમાં સ્થાન મેળવવા માટે તૈયાર છે. રીપોર્ટ મુજબ, ફિલ્મનું પ્રથમ 10 દિવસમાં કુલ કલેક્શન રૂ.1255 કરોડ સુધી પહોંચી હતું.
