એસાયલમ માટેની અરજીની પ્રક્રિયા ચાલુ હોય ત્યારે શરણાર્થીઓને રવાન્ડામાં દેશનિકાલ કરવાની સરકારની નીતિ ગેરકાનૂની છે એવો ચુકાદો લંડનમાં સુપ્રીમ કોર્ટે આપ્યો હતો.
દેશની સર્વોચ્ચ અદાલત અગાઉની કોર્ટ ઓફ અપીલના નિર્ણય સાથે સંમત થઇ હતી કે રવાન્ડામાં દેશનિકાલ કરાયેલા લોકોને રવાન્ડા સરકાર દ્વારા અસુરક્ષિત હોય તેવા સ્થળોએ મોકલી શકાય છે તે માનવા માટે “નોંધપાત્ર આધારો” છે.
બ્રેવરમેનની આગેવાની હેઠળની હોમ ઑફિસ દ્વારા અપીલ દાખલ કરવામાં આવી હતી કારણ કે કોર્ટ ઑફ અપીલનો નિર્ણય પણ સરકાર વિરુદ્ધ ગયો હતો.
સુનકે એક નિવેદનમાં જણાવ્યું હતું કે “અમે હવે આગળના પગલાઓ પર વિચાર કરીશું. અમે બોટ રોકવા માટે સંપૂર્ણપણે પ્રતિબદ્ધ છીએ. નિર્ણાયક રીતે, સુપ્રીમ કોર્ટ, કોર્ટ ઑફ અપીલ અને હાઈકોર્ટે પુષ્ટિ કરી છે કે ગેરકાયદેસર સ્થળાંતર કરનારાઓને પ્રક્રિયા માટે સુરક્ષિત ત્રીજા દેશમાં મોકલવાનો સિદ્ધાંત કાયદેસર છે. ગેરકાયદેસર સ્થળાંતર બ્રિટિશ કરદાતાઓને વર્ષમાં લાખો પાઉન્ડનો ખર્ચ કરાવે છે. અમારે તેને ખતમ કરવાની જરૂર છે અને અમે તે માટે બનતું બધું કરીશું.”
