રીગલ ફૂડ પ્રોડક્ટ્સ ગ્રુપે લીડ્સ બ્રેડફર્ડ એરપોર્ટ (LBA) ખાતે સત્તાવાર રીતે એક નવા મલ્ટી-ફેઇથ રૂમનો શુભારંભ કર્યો હતો. જે મુસાફરો, સ્ટાફ અને પ્રોફ્શનલ ભાગીદારો માટે પ્રાર્થના અને ચિંતન માટે સમર્પિત જગ્યા બનશે.
શુક્રવારે લોન્ચ ઇવેન્ટમાં રીગલ ફૂડ્સ, ISSE (ઇન્સ્પાયર સપોર્ટ સ્પોર્ટ્સ એમ્પાવર) અને LBA ના પ્રતિનિધિઓએ હાજરી આપી હતી. લેન્ડસાઇડ સુવિધામાં બેઠક વ્યવસ્થા, નવું ફ્લોરિંગ, ફૂટવેર સ્ટોરેજ, પ્રાર્થના કરવાની સાદડીઓ અને કિબલા – હોકાયંત્ર છે, જે મુસાફરો અને કર્મચારીઓ માટે શાંત વાતાવરણ પ્રદાન કરે છે.
રીગલ ફૂડ્સના સેલ્સ અને માર્કેટિંગ ડિરેક્ટર ફઝ અલીએ જણાવ્યું હતું કે આ પ્રોજેક્ટ જાહેર સ્થળોએ “બધા ધર્મના લોકો માટે સલામત, સમાવિષ્ટ જગ્યાઓ” પ્રત્યે કંપનીની ચાલુ પ્રતિબદ્ધતાને પ્રતિબિંબિત કરે છે.
ISSE ના CEO હુમાયુ ઇસ્લામે ઉચ્ચ દબાણ ધરાવતા વાતાવરણમાં આદરણીય જગ્યાઓના મહત્વ પર ભાર મૂક્યો હતો, જ્યારે LBA ના જનરલ કાઉન્સેલ કુનાલ વ્હાર્ફે નોંધ્યું હતું કે પુનઃવિકાસ યોજના હેઠળ 2027માં ખુલવા માટે નિર્ધારિત પર્પઝબિલ્ટ એરસાઇડ મલ્ટી-ફેઇથ રૂમ એરપોર્ટની વ્યાપક સમાવેશ અને સુખાકારી વ્યૂહરચનાનો એક ભાગ છે.
વેલી પરેડ અને હેડિંગલી ક્રિકેટ ગ્રાઉન્ડ જેવા સ્થળોએ મલ્ટી-ફેઇથ સુવિધાઓ પહોંચાડવા માટે જાણીતી રીગલ ફૂડ્સ, જાહેર સ્થળોએ સમાવિષ્ટ ડિઝાઇનને ચેમ્પિયન કરવાનું ચાલુ રાખે છે.
