એક સમય હતો, જ્યારે લોકોને લાગતું હતું કે માત્ર ફિલ્મ ઇન્ડસ્ટ્રીના લોકો જ એક ફિલ્મ માટે કરોડોની ફી વસૂલી શકે છે. આજે ટીવી શો પણ આ પ્રકારના બજેટ પર બની રહ્યા. આવા કલાકારોની યાદીમાં અભિનેત્રી કમ રાજનેતા- સ્મૃતિ ઇરાની મોખરે છે. કહેવાય છે કે, તે એક એપિસોડમાં કામ કરવા માટે રૂ. 14 લાખ ફી લે છે. ખાસ તો તેઓ છેલ્લા એકાદ દસકાથી ટીવીની દુનિયાથી દુર હોવા છતાં તેઓ આજે આટલી મોટી ફી વસૂલી શકે છે. તેણે આ ફી લેવામાં અત્યાર ટીવીના જાણીતા કલાકારો રૂપાલી ગાંગુલી અને દિલિપ જોશીને પણ પાછળ રાખી દીધા છે. કહેવાય છે કે, સ્મૃતિ ઇરાનીએ ‘ક્યુંકી સાસ ભી કભી બહુ થી 2’માં તુલસી વીરાણી તરીકેની ભૂમિકા ભજવવા માટે એપરિસોડ દીઠ આટલી મોટી ફી લીધી છે. મહત્વની વાત એ છે કે જ્યારે સ્મૃતિ ઇરાનીએ ટીવીમાં પોતાની કારકિર્દી શરૂ કરી ત્યારે એકતા કપૂરે 2000માં આ શોની પહેલી સીઝન માટે તેને એપિસોડ દીઠ 1800 રૂપિયા આપ્યા હતા. પછી ધીરે ધીરે શોની લોકપ્રિયતા વધતા તેમનું વળતર વધીને એપિસોડ દીઠ 8000, પછી 35000 અને અંતે એપિસોડ દીઠ 50 હજાર પર પહોંચ્યું હતું.
હવે બીજી સીઝન માટે બાલાજી ટેલિફિલ્મ્સે જ જાહેર કર્યું છે કે આ સીઝન માત્ર 150 એપિસોડની જ હશે, જેમાં પિસોડ દીઠ 14 લાખ એટલે સ્મૃતિ ઇરાનને કુલ 21 કરોડ રૂપિયા જેટલું વળતર આપવામાં આવશે, આ રીતે તે સૌથી વધુ વળતર મેળવનાર ટીવી અભિનેત્રી સ્થાપિત થઇ ગયા છે.
આ યાદીમાં અન્ય લોકપ્રિય કલાકારોની વાત કરવામાં આવે તો ‘અનુપમા’ માટે રૂપાલી ગાંગુલીને એપિસોડ દીઠ ત્રણ લાખનું વળતર મળે છે અને ‘તારાક મહેતા કા ઉલ્ટા ચશ્મા’માં જેઠાલાલના માટે પાત્ર દિલિપ જોશીને એપિસોડ દીઠ 1.5 લાખનું વળતર ચૂકવાય છે. આગળ આ યાદીમાં જેનિફર વિંગેટ 1.5થી 2 લાખ, તેજસ્વી પ્રકાશ 2-3 લાખ, શ્રદ્ધા આર્યા 1.5 લાખ, હર્ષદ ચોપડા 3 લાખ અને હીના ખાન 1.5થી 2 લાખ વસૂલે છે.
