અમેરિકા અને ઇઝરાયેલના હુમલા પછી ઇરાનને પણ મધ્યપૂર્વના દેશોમાં મિસાઇલ-ડ્રોન હુમલા કરતાં વિશ્વના સૌથી વ્યસ્ત આંતરરાષ્ટ્રીય પ્રવાસન કેન્દ્ર દુબઈ સહિત મધ્યપૂર્વના મુખ્ય એરપોર્ટ બંધ કરી દેવામાં આવ્યા હતાં. આનાથી 28 ફેબ્રુઆરી અને પહેલી માર્ચે હજારો ફ્લાઇટ્સ રદ કરાઈ હતી. ભારતની બેડમિન્ટન ખેલાડી પીવી સિંધુ સહિતના ભારતના હજારો મુસાફરો એરપોર્ટ પર ફસાયા હતાં. ભારત સરકારે ફસાયેલા ભારતીયોના સુરક્ષિત પરત લાવવા માટે પ્રયાસો ચાલુ કર્યા હતાં.
મધ્યપ્રદેશના બે ભૂતપૂર્વ ધારાસભ્યો સહિત 700થી વધુ લોકો સંયુક્ત આરબ અમીરાતમાં ફસાયા હતાં. બે વખતની ઓલિમ્પિક મેડલ વિજેતા પીવી સિંધુએ રવિવારે દુબઈ ઇન્ટરનેશનલ એરપોર્ટ પર તણાવપૂર્ણ અને ડરામણી અગ્નિપરીક્ષાનું વર્ણન કર્યું હતું. જ્યાં તે અને તેના ઇન્ડોનેશિયન કોચ ફસાયા હતાં. ૩ માર્ચથી બર્મિંગહામમાં શરૂ થનારી ઓલ ઈંગ્લેન્ડ ઓપન બેડમિન્ટન ચેમ્પિયનશિપમાં ભાગ લેવા માટે તૈયાર થયેલી સિંધુ શનિવારથી દુબઈમાં ફસાઈ ગઈ હતી.
સિંધુએ એક વીડિયોમાં જણાવ્યું કે અમારી ફ્લાઇટ દુબઈમાં ઉતર્યા પછી, નિયંત્રણની બહારની ઘટનાઓ બનવા લાગી હતી. થોડા સમય પછી, એરસ્પેસ બંધ કરી દેવામાં આવી હતી અને છેલ્લા કેટલાક કલાકો અત્યંત તણાવપૂર્ણ રહ્યા હતાં. અમે ઉપરથી ધડાકાના અવાજો સંભળાતા હતાં. થોડા કલાકો પછી દુબઈ એરપોર્ટ પર અમે જ્યાં છુપાયેલા હતા તેની ખૂબ નજીક એક વિસ્ફોટ થયો હતો. આ ઘટના બની ત્યારે મારો કોચ માંડ ૧૦૦ મીટર દૂર હતો અને તેને ઝડપથી તે વિસ્તાર છોડી દેવો પડ્યો હતો. આવી ઘટનાનો અનુભવ ખરેખર હચમચાવી નાંખે તેવો હતો. કોચ ઇરવાંસ્યાહ આદિ પ્રતામાએ પણ આ ઘટનાની પુષ્ટિ કરી હતી.
કોચે જણાવ્યું હતું કે “એરપોર્ટમાં વિસ્ફોટ થયો હતો, તેથી અમે હાલમાં અહીં ફસાયેલા છીએ. તેમણે અમને હોટેલમાં રાખ્યા છે, અમે ઠીક છીએ પણ ફરી થોડી ચિંતા છે. અમે ઓલ ઈંગ્લેન્ડ જવા માંગીએ છીએ. મને આશા છે કે અમે આજે ઉડાન ભરી શકીશું કારણ કે સિંધુની મેચ બુધવારે છે
