ન્યૂયોર્કની એક કોર્ટમાં પાકિસ્તાની બિઝનેસમેન સામે ત્રાસવાદીના આરોપમાં ટ્રાયલ ચાલી રહી છે. તેમણે જુબાની આપી હતી કે 2024માં ઇરાનના ઇસ્લામિક રિવોલ્યુશનરી ગાર્ડ કોર્પ્સ (IRGC)એ વિવિધ મહાનુભાવોની હત્યા કરવા તેની ભરતી કરી હતી. આ મહાનુભાવોમાં પ્રેસિડન્ટ ડોનાલ્ડ ટ્રમ્પ, ભૂતપૂર્વ પ્રેસિડન્ટ જો બાઇડેન, ભૂતપૂર્વ યુએન એમ્બેસેડર નિક્કી હેલીનો સમાવેશ થાય છે.
રિવોલ્યુશનરી ગાર્ડસ આયાતુલ્લા અલી ખામેનેઇની નેતૃત્વમાં જાણીતા બન્યાં હતાં. અમેરિકન એડમિનિસ્ટ્રેશન IRGCને વિદેશી ત્રાસવાદી સંગઠન ગણે છે. 47 વર્ષના પાકિસ્તાની બિઝનેસમેન આસિફ મર્ચન્ટે કબુલાતની જુબાની આપ્યા પછી ગયા સપ્તાહે કોર્ટે તેને હત્યાના કાવતરા માટે અપરાધી ઠેરવ્યો હતો. તેને હવે આજીવન કેદની સજા થઈ શકે છે.
સમાચાર સૂત્રોના જણાવ્યા મુજબ બિઝનેસમેન મર્ચન્ટે તાજેતરમાં ન્યૂયોર્કમાં ઉર્દૂના દુભાષિયા દ્વારા જ્યૂરીને જણાવ્યું હતું કે મારા પરિવાર સામે જોખમ હોવાના કારણે મારે એમ કરવું પડ્યું હતું. 12 જુલાઈ 2024ના રોજ ધરપકડ કરાયેલા બિઝનેસે જણાવ્યું હતું કે આવું થશે તેવું જણાતું હતું. તેમમે કોર્ટ પાસેથી રાહત માગીને જણાવ્યું હતું કે તે આ કામ પૂરું કરે તે પહેલા પકડાઈ જશે.
