.ઈલેક્ટ્રિક વાહન બનાવતી કંપની ટેસ્લાના સીઈઓ ઇલોન મસ્કે ટ્વિટર ડીલ હાલ પૂરતી હોલ્ડ પર રાખી છે. ટ્વિટર ખરીદવા માટેનો તેમનો 44 અબજ ડોલરનો સોદો હાલ પૂરતો રોકી દેવામાં આવ્યો છે. મસ્કે કહ્યું છે કે, સ્પામ અને નકલી એકાઉન્ટના મુદ્દે ડીલ અટકી ગઈ છે. મસ્કએ ટ્વિટ કર્યું કે, ટ્વિટર ડીલ અસ્થાયી રૂપે હોલ્ડ પર રાખવામાં આવી છે, કારણ કે સ્પામ અથવા નકલી એકાઉન્ટ્સની ગણતરીના આંકડા મળવાના બાકી છે, જે 5% કરતા ઓછા છે.
સોશિયલ મીડિયા કંપની ટ્વિટરના શેરમાં 20%નો ઘટાડો થયો છે. કંપનીએ મહિનાની શરૂઆતમાં ગણતરી કરી હતી કે પ્રથમ ક્વાર્ટરમાં તેના નકલી અને સ્પામ એકાઉન્ટ્સ મોનેટાઇઝ કરી શકનારા એક્ટિવ યુઝર્સથી 5% કરતા પણ ઓછા છે..કંપનીએ એમ પણ કહ્યું હતું કે, જ્યાં સુધી એલન મસ્ક સાથેનો સોદો પૂર્ણ ન થાય ત્યાં સુધી તેને ઘણા પડકારોનો સામનો કરવો પડશે, જેમાં એડવર્ટાઇઝર્સ ટ્વિટર પર ખર્ચ કરવાનું ચાલુ રાખશે કે નહીં.
