અમેરિકન મીડિયાના એક રીપોર્ટ મુજબ, પ્રેસિડેન્ટ ટ્રમ્પે એક પ્રસ્તાવ મુક્યો છે કે, સેનેટમાં જો ટોચના ડેમોક્રેટ તેમના નામ પર મુખ્ય એરપોર્ટ અને ટ્રેન સ્ટેશનનું નામ બદલવામાં મદદ કરશે તો તેઓ ફેડરલ ઇન્ફ્રાસ્ટ્રક્ચર માટે ભંડોળ આપી શકે છે. વિશ્વભરમાં અનેક બિલ્ડિંગ્સ પર પોતાનું નામ દર્શાવનારા રીઅલ એસ્ટેટ માંધાતા ડોનાલ્ડ ટ્રમ્પે જાહેર સ્થાનો પર પોતાનું નામ અંકિત કરાવવાનો પ્રયાસ કર્યો હતો. ડિસેમ્બરમાં તેમણે કેનેડી આર્ટ સેન્ટરનું નામ બદલીને ‘ટ્રમ્પ-કેનેડી સેન્ટર’ રાખવા માટે ચૂંટણી કરાવી હતી. પેરિસમાં પણ તેમણે આર્ક ડી ટ્રાયમ્ફ જેવા ‘ઇન્ડિપેન્ડેન્સ આર્ક’ બનાવવા માટે દબાણ કર્યું હતું. વ્હાઇટ હાઉસમાં પણ નવા બોલરૂમનું બાંધકામ શરૂ કરાવ્યું હતું, જેના માટે બિલ્ડિંગની ઇસ્ટ વિંગને તોડવામાં આવી હતી. સીએનએન અને એનબીસીના રીપોર્ટ મુજબ, હવે ટ્રમ્પ ન્યૂયોર્કના પેન સ્ટેશન અને વોશિંગ્ટનના ડલ્સ ઇન્ટરનેશનલ એરપોર્ટને પણ પોતાનું નામ આપવા ઇચ્છે છે.
