ઇન્ડિયા એસોસિએશન ઓફ ગ્રેટર બોસ્ટન દ્વારા ટીમએઇડ ઇન્કઓર્ગના સહકારથી કોન્સલ જનરલ શ્રી એસ. રઘુરામ અને ડેપ્યુટી કોન્સલ જનરલ શ્રીમતી શ્રુતિ પુરુષોત્તમનું સ્વાગત કરવા એક કાર્યક્રમનુ આયોજન કરાયું હતું.
વોશિંગ્ટન, ડીસીમાં ભારતીય દૂતાવાસના કોમ્યુનિટી અફેર્સ અને પર્સનલ મિનિસ્ટર શ્રી જગ મોહન, જયપુર ફૂટ યુએસએના ચેરમેન શ્રી પ્રેમ ભંડારી અને ન્યૂ ઇંગ્લેન્ડમાં ભારતીય અમેરિકન સમુદાયને ઉત્થાન આપવાનું ચાલુ રાખનારા 60થી વધુ સામાજીક સંગઠનોના નેતાઓ આ પ્રસંગે ઉપસ્થિત રહ્યા હતા.
મોહન નન્નાપાનેની અને તેમની ટીમે યોજેલા યાદગાર કાર્યક્રમમાં કુણાલ ગુંજલ દ્વારા ભાવનાત્મક સંતૂર અને નીતિન મિટ્ટા દ્વારા તબલાવાદન રજૂ કરાયું હતું. મોહન નાનાપાનેનિનેની અને અભિષેક સિંહ સૌને એકસાથે લાવ્યા હતા અને સહયોગ, સેવા અને સહિયારા હેતુને પ્રોત્સાહન આપતું પ્લેટફોર્મ બનાવ્યું હતું. 
