બોસ્ટનમાં ફેડરેશન ઓફ ઇન્ડિયન એસોસિએશન ન્યૂ ઇંગ્લેન્ડ દ્વારા પ્રતિષ્ઠિત પ્રુડેન્શિયલ સેન્ટર ખાતે સમુદાયના નેતાઓ અને ભારતીય-અમેરિકન ડાયસ્પોરાના સભ્યોએ આંતરરાષ્ટ્રીય મહિલા દિવસની ઉજવણી કરી હતી અને મહિલા નેતૃત્વ, સશક્તિકરણ અને સેવાને માન્યતા આપવા માટે અગ્રણી મહિલા નેતાઓ, પ્રફેશનલ્સ અને સમુદાયના સભ્યો એકત્ર થયા હતા.
આયોજકોએ જણાવ્યું હતું કે આ કાર્યક્રમનો હેતુ સમુદાય નિર્માણમાં મહિલાઓના યોગદાનને પ્રકાશિત કરવા સાથે નેતૃત્વની ભૂમિકાઓમાં વધુ ભાગીદારીને પ્રોત્સાહિત કરવાનો હતો.
કાર્યક્રમ દરમિયાન, શ્રુતિ પુરુષોત્તમે યુનાઇટેડ સ્ટેટ્સ સેમીક્વિન્સેન્ટેનિયલ નિમિત્તે FIA-ન્યૂ ઇંગ્લેન્ડની નવી પહેલના જાહેરાત કરી હતી. આ પ્રોજેક્ટ ઐતિહાસિક સીમાચિહ્નરૂપ ઉજવણી દરમિયાન સસ્ટેઇનીબીલીટી અને પર્યાવરણીય જાગૃતિને પ્રોત્સાહન આપવા માટે સમુદાયોમાં 250 ફળદાયી વૃક્ષો વાવવાની યોજના ધરાવે છે.
વિવિધ સામાજીક સંસ્થાઓના સભ્યો અને સ્વયંસેવકોએ ઉજવણીમાં ભાગ લીધો હતો, જેમાં નેટવર્કિંગ, નેતૃત્વ પર ચર્ચાઓ અને મહિલાઓની સિદ્ધિઓની માન્યતાનો સમાવેશ થતો હતો.
આયોજકોએ જણાવ્યું હતું કે આ કાર્યક્રમ ભારતીય-અમેરિકન મહિલાઓની સમુદાય પહેલને આકાર આપવામાં અને સેવા, સહયોગ અને નેતૃત્વ દ્વારા આગામી પેઢીને પ્રેરણા આપવામાં વધતી ભૂમિકા પર ભાર મૂકે છે. આયોજકોએ eNcare LLC, eNcloud સર્વિસીસ અને સાંજ રેસ્ટોરંટ સહિતના પ્રાયોજકોનો આ કાર્યક્રમને ટેકો આપવા બદલ આભાર માન્યો હતો. તેમણે પ્રુડેન્શિયલ સેન્ટર ખાતે મેનેજમેન્ટ ટીમનો પણ આ કાર્યક્રમને સરળ બનાવવા બદલ આભાર માન્યો હતો.
