ભારતીય ક્રિકેટ બોર્ડના ઉપક્રમે રવિવારે (15 માર્ચ) નવી દિલ્હીમાં નમન એવોર્ડ સેરેમની યોજાઈ હતી જેમાં 1983 વર્લ્ડકપ વિજેતા ટીમના સભ્ય રોજર બિન્ની, 2024 ટી-20 વર્લ્ડકપ વિજેતા ટીમના કોચ અને ભૂતપૂર્વ કેપ્ટન રાહુલ દ્રવિડને કર્નલ સીકે નાયડુ લાઇફટાઇમ અચીવમેન્ટ એવોર્ડથી સન્માનિત કરાયા હતા.
મહિલા ક્રિકેટની મહાન ખેલાડીઓ પૈકીની એક, ભૂતપૂર્વ ભારતીય ખેલાડી મિતાલી રાજને મહિલા ક્રિકેટના વિકાસ અને વૈશ્વિક પ્રસિદ્ધિમાં તેના અસાધારણ યોગદાન બદલ BCCI લાઇફટાઇમ એચિવમેન્ટ એવોર્ડ ફોર વુમનથી સન્માનિત કરાઈ હતી.
આ ઉપરાંત 2024-26 સુધીમાં 5 ICC ટુર્નામેન્ટ જીતનાર ટીમોના ખેલાડીઓને પણ સન્માનિત કરાયા હતા. તેમાં ૨૦૨૫માં ચેમ્પિયન્સ ટ્રોફી વિજેતા મેન્સ ક્રિકેટ ટીમ, ૨૦૨૬માં મેન્સ ટી-૨૦ વર્લ્ડ કપ વિજેતા ટીમ, ૨૦૨૫માં વિમેન્સ વર્લ્ડ કપ વિજેતા મહિલા ટીમ, અંડર-૧૯માં વર્લ્ડ કપ વિજેતા પુરૂષોની ટીમ અને ૨૦૨૫માં અંડર-૧૯ વર્લ્ડ કપ વિજેતા ભારતીય ગર્લ્સ ટીમને સન્માનિત કરાઈ હતી. તેમજ આ સમારોહમાં કેટલાય ડોમેસ્ટિક ટીમના ક્રિકેટરોને પણ સન્માનિત કરાયા હતા.
BCCI નમન એવોર્ડ્સ 2026ના કેટલાક વિજેતાઓઃ
2024-25માં વન-ડે ઇન્ટરનેશનલમાં સૌથી વધુ વિકેટ – મહિલા: દીપ્તિ શર્મા
2024-25માં વન-ડે ઇન્ટરનેશનલમાં સૌથી વધુ રન – મહિલા: સ્મૃતિ મંધાના
2024-25માં શ્રેષ્ઠ આંતરરાષ્ટ્રીય ડેબ્યૂ – મહિલા: એન. શ્રી ચારણી
2024-25માં શ્રેષ્ઠ આંતરરાષ્ટ્રીય ડેબ્યુ – પુરુષ: હર્ષિત રાણા
2024-25માં શ્રેષ્ઠ આંતરરાષ્ટ્રીય ક્રિકેટર – મહિલાઃ સ્મૃતિ મંધાના
2024-25માં શ્રેષ્ઠ આંતરરાષ્ટ્રીય ક્રિકેટર – પુરુષઃ શુભમન ગિલ
