ભારતનું ફોરેક્સ રીઝર્વ 15 ઓગસ્ટે પૂરા થયેલા સપ્તાહમાં 1.4 બિલિયન ડોલર વધીને 695.106 બિલિયન ડોલર થયું હતું. રીઝર્વ બેન્કે શુક્રવારે આ ડેટા જાહેર કર્યા હતા. અગાઉના સપ્તાહે વિદેશી હુંડિયામણ 4.747 બિલિયન ડોલર વધીને 693.618 બિલિયન ડોલર નોંધાયું હતું. 15 ઓગસ્ટે પૂરા થયેલા સપ્તાહમાં ફોરેન કરન્સી એસેટ્સ (FCA) 1.924 બિલિયન ડોલર વધીને 585.903 બિલિયન ડોલર થઈ હતી. ગોલ્ડ રીઝર્વ 49.3 કરોડ ડોલર વધીને 85.667 બિલિયન ડોલર થયું હતું. ઈન્ટરનેશનલ મોનિટરી ફંડ (IMF) સમક્ષ ભારતનું રીઝર્વ 1.5 કરોડ ડોલર વધીને 4.754 બિલિયન ડોલર થયું હતું.
