ગુજરાતમાં શાસક ભાજપના પાંચ ધારાસભ્યોએ સરકારી અધિકારીઓ પર ચૂંટાયેલા પ્રતિનિધિઓના સૂચનોને અવગણીને પોતાની મરજી મુજબ કામ કરવાનો આક્ષેપ કર્યો હતો અને મુખ્યપ્રધાન ભૂપેન્દ્ર પટેલના હસ્તક્ષેપની માંગ કરી હતી. વડાપ્રધાન નરેન્દ્ર મોદીની ગુજરાતની મુલાકાતના થોડા દિવસો પહેલા શાસક ભાજપના વડોદરા જિલ્લાના વગદાર ધારાસભ્યોએ લખેલા આ પત્રથી હોબાળો મચ્યો હતો.
ભૂપેન્દ્ર પટેલને લખેલા પત્રમાં આ ધારાસભ્યોએ જણાવ્યું હતું કે કે વડોદરા જિલ્લાના અધિકારીઓ સામાન્ય લોકોની દુર્દશાને અવગણી રહ્યા છે અને જમીની વાસ્તવિકતાઓને ધ્યાનમાં લીધા વિના સરકાર સમક્ષ ગુલાબી ચિત્ર રજૂ કરી રહ્યા છે.વડોદરા જિલ્લાના આ ધારાસભ્યોમાં ડભોઇના ધારાસભ્ય શૈલેષ મહેતા, સાવલીના કેતન ઇનામદાર, વાઘોડિયાથી ધર્મેન્દ્રસિંહ વાઘેલા, કરજણના પ્રતિનિધિ અક્ષય પટેલ અને પાદરાના ધારાસભ્ય ચૈતન્યસિંહ ઝાલાનો સમાવેશ થાય છે.
ગાંધીનગરમાં ભૂપેન્દ્ર પટેલના અંગત સચિવને સોંપવામાં આવેલા પત્રમાં આ ભાજપના નેતાઓએ આવા અધિકારીઓ સામે કાર્યવાહી કરવાની માંગ કરી હતી અને દાવો કર્યો હતો કે તેમનું વલણ સરકારની છબીને ખરડાઈ રહ્યું છે.
પત્રમાં જણાવાયું છે કે હાલમાં રાજ્યમાં વહીવટી તંત્ર ઠપ્પ થઈ ગયું છે. એવું લાગે છે કે લોકોની દુર્દશા આ તંત્રના કાન સુધી પહોંચતી નથી. એક સામાન્ય માણસ માટે, સરકારી કચેરી દ્વારા નાનું કામ પણ કરાવવું એ યુદ્ધ લડવા જેવું છે. વરિષ્ઠ અધિકારીઓ તેમજ તેમના જુનિયરો મનસ્વી રીતે વર્તી રહ્યાં છે અને બિનવ્યાવસાયિક વલણ દર્શાવી રહ્યા છે,
ઘણીવાર વ્યક્તિગત ઇચ્છાઓ પર કામ કરી રહ્યાં છે. પત્રમાં જણાવાયું છે કે કલેક્ટર, જિલ્લા વિકાસ અધિકારી, પોલીસ અધિક્ષક અને પોલીસ કમિશનર જેવા અધિકારીઓ જમીની વાસ્તવિકતાઓ કે લોકોની સમસ્યાઓ જાણ્યા વિના વિડીયો કોન્ફરન્સ દરમિયાન “ગુલાબી ચિત્ર” રજૂ કરે છે. સરકારથી હકીકતો છુપાવવામાં આવી રહી છે. વહીવટ મનસ્વી રીતે ચલાવવામાં આવી રહ્યો છે કારણ કે આ અધિકારીઓ પોતાને લોકો અને ચૂંટાયેલા પ્રતિનિધિઓથી ઉપર માને છે, જે સરકારની છબીને કલંકિત કરી રહ્યું છે.ધારાસભ્યો દ્વારા સૂચવવામાં આવેલા કામો થઈ રહ્યા નથી.
