ન્યૂયોર્કમાં કાતિલ ઠંડીના કારણે 13 લોકોના મોત થયા હોવાનું મેયર ઝોહરાન મામદાણીએ જણાવ્યું હતું. જાન્યુઆરીના અંતમાં અમેરિકાના મોટાભાગના વિસ્તારોમાં લોકોએ કડકડતી ઠંડીનો અનુભવ કર્યો હતો.
મેયર ઝોહરાન મામદાણીએ કહ્યું હતું કે, ‘આપણા શહેરના ઇતિહાસમાં સતત 32 ડિગ્રી (0C)થી ઓછા હવામાનના સૌથી લાંબો સમયગાળો નોંધાયો હતો.’ તેમણે મીડિયા સાથેની ચર્ચામાં જણાવ્યું હતું કે, ઠંડા હવામાન દરમિયાન 16 શહેરીજનોના મોત થયા હતા, જેમાં 13 લોકોના મોત કાતિલ ઠંડીના કારણે થયાનું મનાય છે, જ્યારે અન્ય ત્રણના મોત દવાના ઓવરડોઝના કારણે થયા હોવાનું કહેવાય છે.
મામદાણીના જણાવ્યા મુજબ, ઠંડીની આ સ્થિતિમાં શહેરમાં ઇમરજન્સી વોર્મિંગ સેન્ટર્સ અને હેલ્થકેર પ્રોફેશનલ્સને 20 વાહનો સાથે કાર્યરત કરાયા હતા.
