અમેરિકાના ફેડરલ સત્તાવાળાઓએ ભારત સ્થિત એક આંતરરાષ્ટ્રીય ગુનાહિત સંગઠન સાથે જોડાયેલા 200થી વધુ વેબસાઇટ ડોમેન બ્લોક કર્યા હતાં. આ વેબસાઇટ પર ગેરકાયદે ઓનલાઇન ફાર્મસી ચલાવવામાં આવી હતી. આ ફાર્મસીની દવાઓને કારણે ઓછામાં છ લોકોને મોત થયાં હતાં.
બુધવારે એક નિવેદનમાં જણાવાયું છે કે યુએસ ડ્રગ એન્ફોર્સમેન્ટ એડમિનિસ્ટ્રેશન (DEA)ની દેશભરની ફિલ્ડ ઓફિસોએ ઓપરેશન મેલ્ટડાઉન હાથ ધરીને અનેક સ્થળે કાર્યવાહી હાથ ધરી હતી, જેમાં ચાર વ્યક્તિઓની ધરપકડ કરાઈ હતી. ઇસ્ટર્ન ડિસ્ટ્રિક્ટ ઓફ ન્યૂયોર્કની એટર્ની ઓફિસ અને DEAએ ઓપરેશન મેલ્ટડાઉનના ભાગ રૂપે ઓછામાં ઓછા છ જીવલેણ અને ચાર બિન-જીવલેણ ઓવરડોઝ માટે જવાબદાર કથિત રીતે યુનાઇટેડ સ્ટેટ્સમાં કાર્યરત ભારત સ્થિત ટ્રાન્સનેશનલ ક્રિમિનલ ઓર્ગેનાઇઝેશન (TCOs) સાથે જોડાયેલા 200થી વધુ વેબસાઇટ ડોમેન બ્લોક કરવાની જાહેરાત કરી હતી.
અગાઉ યુએસ સરકારે 200થી વધુ ઓનલાઈન ફાર્મસીઓ બંધ કરાવી હતી. જેના પર માન્ય પ્રિસ્ક્રિપ્શન વિના ડાયવર્ટેડ ફાર્માસ્યુટિકલ્સ અને નકલી ગોળીઓના લાખો ઓર્ડર લેવામાં આવ્યાં હતાં. આ તપાસ દરમિયાન DEAએ આ ઓનલાઈન ફાર્મસીઓ દ્વારા દવા ખરીદનારા હજારો ગ્રાહકોની ઓળખ કરી હતી અને તેમને માહિતી આપવાનો અનુરોધ કરતાં 20,000થી વધુ પત્રો મોકલ્યા છે.
