રોયલ ચેલેન્જર્સ બેંગ્લોરે મહિલા પ્રીમિયર લીગ (WPL) 2026 ની ફાઇનલમાં દિલ્હી કેપિટલ્સને છ વિકેટથી હરાવીને તેમનું બીજું મહિલા પ્રીમિયર લીગ ટાઇટલ જીત્યું હતું. 2023 રનના ટાર્ગેટનો પીછો કરવા ઉતરેલી આરસીબીએ 19.4 ઓવરમાં 4 વિકેટે 2024 રન બનાવ્યા હતાં.
કેપ્ટન સ્મૃતિ મંધાના અને જ્યોર્જિયા વોલે એક પ્રભાવશાળી ભાગીદારી બનાવીને ડીસી પાસેથી મેચ છીનવી લીધી હતી. મંધાનાએ 41 બોલમાં 87 રન બનાવ્યા હતાં. તેમાં12 ચોગ્ગા અને ત્રણ સિક્સરનો સમાવેશ થતો હતો. આ ઉપરાંત જ્યોર્જિયા વોલે પણ એવી જ આક્રમક બેટિંગ કરી હતી. તેણે 54 બોલમાં 14 ચોગ્ગા સાથે 79 રન ફટકાર્યા હતા.
આ સાથે દિલ્હી કેપિટલ્સ ફરી એક વાર કમનસીબ રહી હતી અને વધુ એક ફાઇનલમાં તેનો પરાજય થયો હતો જ્યારે બેંગલોરની ટીમે ચાર સિઝનમાં બીજી વાર ટાઇટલ જીત્યું હતું બાકીની બે વાર મુંબઈ ઇન્ડિયન્સ ચેમ્પિયન બન્યું હતું.
દિલ્હી કેપિટલ્સે 20 ઓવરમાં ચાર વિકેટે 203 રન બનાવ્યાં હતાં. તેના જવાબમાં છેક છેલ્લી ઓવર સુધીના રોમાંચ બાદ રોયલ ચેલેન્જર્સ બેંગલોરની ટીમે 19.4 ઓવરમાં ચાર વિકેટ ગુમાવીને 204 રન બનાવીને વિજય મેળવ્યો હતો.
અગાઉ બેંગલોરે ટોસ જીતીને હરીફ ટીમને બેટિંગમાં ઉતારી હતી. દિલ્હી કેપિટલ્સે આ તકનો ભરપુર લાભ ઉઠાવ્યો હતો અને શાનદાર બેટિંગ કરી હતી. ખાસ કરીને જેમિમાહ રોડ્રિગ્સ અને ચિનેલી હેનરીએ અત્યંત આક્રમક બેટિંગ કરતાં 200 રનનો આંક વટાવી દીધો હતો. દિલ્હીની તમામ પ્રમુખ બેટરે ઉમદા બેટિંગ કરીને મજબૂત ટીમ વર્કનું પ્રદર્શન કર્યું હતું. ઓપનર લિઝેલ લીએ પ્રારંભમાં જ 30 બોલમાં ત્રણ સિક્સર અને ત્રણ ચોગ્ગા સાથે 7 રન ફટકાર્યા હતા તો તેની સાથી ઓપનર શેફાલી વર્માએ તેની આગવી શૈલીથી બેટિંગ જારી રાખી હતી તે લાંબી ઇનિંગ્સ રમી શકી ન હતી. લૌરા વોલવાર્ડે 25 બોલમાં 44 રન ફટકાર્યા હતા.
