બાંગ્લાદેશમાં 2024માં શેખ હસીના સરકારના પતન પછી 12 ફેબ્રુઆરીએ યોજાઈ રહેલી ચૂંટણીમાં મતદાન કરવા માટે મોટી સંખ્યામાં મતદારો ઉમટી પડ્યાં હતા અને મથકોની બહાર લાંબી લાઇનો જોવા મળી હતી.
175 મિલિયની વસ્તી ધરાવતો આ કટ્ટર મુસ્લિમ દેશ બનશે કે લોકતાંત્રિક દેશ બનશે તેનો મતદારો નિર્ણય કરશે. શેખ હસીનાની ‘અવામી લીગ’ પાર્ટી પર ચૂંટણી લડવા પર પ્રતિબંધ મૂકવામાં આવ્યો છે, જેના કારણે આ ચૂંટણીમાં મુખ્ય લડાઈ બાંગ્લાદેશ નેશનાલિસ્ટ પાર્ટી (બીએનપી) અને કટ્ટરવાદી જમાત-એ-ઇસ્લામી વચ્ચે છે. દેશવ્યાપી હિંસક વિરોધી દેખાવો પછી વડાપ્રધાન શેખ હસીનાના 15 વર્ષના શાસનનો અંતના 18 મહિના પછી ચૂંટણી યોજાઈ રહી છે અને લઘુમતી અને ખાસ કરીને હિન્દુ સમુદાયની ચિંતામાં વધારો થયો હતો.
બાંગ્લાદેશના ચૂંટણી પંચે વ્યાપક સુરક્ષા વ્યવસ્થાના ભાગરૂપે ઇતિહાસમાં પહેલીવાર અંદાજે 10 લાખ સુરક્ષાકર્મીઓ તૈનાત કર્યા છે. દેશભરના 299 સંસદીય મતવિસ્તારોમાં સવારે 7:30 થી સાંજના 4:30 વાગ્યા સુધી મતદાન ચાલુ થયું હતું. આ ચૂંટણીમાં 50 રાજકીય પક્ષોના કુલ 1,755 ઉમેદવારો અને 273 અપક્ષ ઉમેદવારો મેદાનમાં છે. BNPએ સૌથી વધુ 291 ઉમેદવારો મેદાનમાં ઉતાર્યા છે. જેમાં 83 મહિલા ઉમેદવારો છે.
આ દેશમાં 2001 અને 2014ની ચૂંટણીઓ દરમિયાન મોટા પાયે હિંસા થયા બાદ મુસ્લિમ બહુમતી ધરાવતા બાંગ્લાદેશમાં ચૂંટણીથી હંમેશા લઘુમતી સમુદાયની ચિંતામાં વધારો થાય છે. ૧૯૭૧માં સ્વતંત્રતા પછી બાંગ્લાદેશની વસ્તીમાં હિન્દુઓ ૧૪.૬ ટકા હતા, પરંતુ સત્તાવાર રીતે બિનસાંપ્રદાયિક દેશમાં તેમનો હિસ્સો ઝડપથી ઘટીને ૧૦ ટકાથી ઓછો થઈ ગયો છે.
