દિલ્હીના ઇન્દિરા ગાંધી ઇન્ટરનેશનલ (IGI) એરપોર્ટ પર યુએસ પાસપોર્ટ ધરાવતી એક મહિલા મુસાફર પાસેથી અધિકારીઓએ 5.42 કરોડ રૂપિયાની વિદેશી ચલણ અને અનેક લક્ઝરી વસ્તુઓ જપ્ત કરી હતી, એમ અધિકારીઓએ મંગળવારે જણાવ્યું હતું.
આ મહિલા મુસાફર હોંગકોંગથી કેથે પેસિફિક ફ્લાઇટ CX-695માં ટર્મિનલ-3 પર આવી ત્યારે કસ્ટમ અધિકારીઓએ અટકાવી હતી. મહિલાના સામાનનો એક્સ-રે કરવામાં આવ્યો હતો, ત્યારબાદ તેની વિગતવાર શારીરિક તપાસ કરવામાં આવી હતી, જેના કારણે જાહેર ન કરેલી લક્ઝરી વસ્તુઓ મળી આવી હતી.
જપ્ત કરાયેલા મુદ્દામાલમાં ૧.૨ કિલો વજનના સોના અને હીરાના આઇટમ, ૧૦ કિલો વજનના ચાંદીના વાસણો તથા રોલેક્સ, બ્વલ્ગારી, ચોપાર્ડ અને કાર્ટિયર જેવી બ્રાન્ડની લક્ઝરી ઘડિયાળો અને ૯,૦૮૪ ડોલર, ૬૦૫ યુરો અને ૨,૫૪૦ હોંગકોંગ ડોલરનું વિદેશી ચલણ શામેલ છે. જપ્ત કરાયેલી વસ્તુઓની કુલ કિંમત 5.42 કરોડ રૂપિયા છે. આ તમામ મુદ્દામાલ અઘોષિત અને કસ્ટમ્સ એક્ટ, 1962ની જોગવાઈઓનું ઉલ્લંઘન કરતી હોવાથી, કાયદાની કલમ 110 હેઠળ માલ જપ્ત કરવામાં આવ્યો હતો. મુસાફરની કસ્ટમ્સ એક્ટ, 1962 ની કલમ 104 હેઠળ ધરપકડ કરવામાં આવી હતી.
