નવી ફિલ્મના ચાહકો માટે સારા સમાચાર છે કે, માર્ચ, એપ્રિલ અને મે મહિનામાં જાણીતા કલાકારોની બહુઅપેક્ષિત ફિલ્મો થીયેટર્સમાં રિલીઝ થઇ રહી છે. જેમાં રણવીર સિંહ, કિયારા અડવાણી, તારા સુતરિયા, રામ ચરણ, જહાન્વી કપૂર, રિતેશ દેશમુખ, આયુષ્યમાન, સાર અલી ખાન વગેરેની ફિલ્મોનો સમાવેશ થાય છે. આ ફિલ્મોનું નિર્માણ મોટા બજેટમાં થયું હોવાનું કહેવાય છે.
ધુરંધર 2: ધ રીવેન્જ
આ ફિલ્મ ધુરંધર સિરીઝની સીક્વલ છે, તેમાં રણવીર સિંહ મુખ્ય ભૂમિકામાં છે. આ ફિલ્મ 19 માર્ચના રોજ થિયેટર્સમાં રિલીઝ થશે, આ દરમિયાન ઈદ, ગુડી પડવા અને ઉગાડી જેવા તહેવારો પણ છે. આ ફિલ્મની ચર્ચા ઘણા સમયથી થઇ રહી છે, જેમાં રાજકીય રાજકીય અને ઇન્ટેલિજન્સ ડ્રામા છે. આ ફિલ્મ હિન્દી સાથે તમિલ, તેલુગુ, કન્નડ અને મલયાલમ ભાષાઓમાં પણ રિલીઝ થશે.
ટોક્સિકઃ એ ફેરી ટેલ ફોર ગ્રોન-અપ્સ
આ ફિલ્મ એક ગેંગસ્ટર-પીરિયડ સ્ટોરી છે, જેમાં કન્નડ અભિનેતા યશ મુખ્ય ભૂમિકામાં છે. તેની સાથે નયનતારા, કિયારા અડવાણી, હુમા કુરેશી, તારા સુતારીયા અને રોક્મિની વસંથ પણ જોવા મળશે. આ ફિલ્મ 19 માર્ચના રોજ રિલીઝ થશે અને તે ધુરંધર 2ને બોક્સ-ઓફિસ પર ટક્કર આપશે. આ ફિલ્મના ટીઝરમાં ઇન્ટિમેટ સીન સામે વિવાદ થયો હતો. અગાઉ હોટ સીન આપનાર અભિનેત્રી નતાલી બાર્યન હોવાનું મનાતું હતું, જોકે તે બીટ્રિઝ ટૌફેનબેક હોવાનું બહાર આવ્યું છે. આ ફિલ્મમાં ક્રાઇમ, વિશ્વાસઘાત અને સત્તા આધારિત કહાની છે. ફિલ્મને હિન્દી, તેલુગુ, મલયાલમ અને તમિલ સહિત જુદી-જુદી ભાષામાં રીલીઝ કરવામાં આવશે.
પેડી
આ સ્પોર્ટ્સ-એક્શન-ડ્રામા ફિલ્મ છે, જેમાં રામ ચરણ અને જહાન્વી કપૂર મુખ્ય ભૂમિકામાં છે. આ ફિલ્મને 30 એપ્રિલે રીલીઝ કરવાનું આયોજન કરવામાં આવ્યું છે. આ ફિલ્મમાં રામ ચરણના પાત્રનું નામ ‘પેડ્ડી’ છે અને આ ફિલ્મમાં અન્ય મોટા અભિનેતા શિવરાજકુમાર, જગપતિ બાબુ અને દિવ્યેન્દુ પણ જોવા મળશે. તેમાં સંગીત એ.આર. રહેમાનનું છે. આ ફિલ્મનું શૂટિંગ હૈદરાબાદ, કોલંબો, કન્યાકુમારી અને પૂણે જેવા વિવિધ સ્થળોએ કરવામાં આવ્યું છે.
રાજા શિવાજી
આ ઇતિહાસ-પ્રેરિત ડ્રામા ફિલ્મ છે, જેમાં રિતેશ દેશમુખ છત્રપતિ શિવાજી મહારાજની ભૂમિકામાં છે. આ ફિલ્મ 1 મે, 2026 ના રોજ રિલીઝ થશે. આ ફિલ્મમાં જેનિલિયા ડીસોઝા દેશમુખ, સંજય દત્ત, અભિષેક બચ્ચન, મહેશ માંજરેકર અને અન્ય કલાકારો જોવા મળશે.
પતિ, પત્નિ ઔર વો દો
આ ફિલ્મ એક હિન્દી રોમેન્ટિક-કોમેડી સીક્વલ છે, જેમાં આયુષ્માન ખુરાના, સારાહ અલી ખાન, રકુલ પ્રીત સિંઘ અને વામિકા ગબ્બી મુખ્ય ભૂમિકામાં છે. આ ફિલ્મ અગાઉ હોળી પર રિલીઝ થવાની હતી, પણ હવે તેને 15 મેના રોજ રીલીઝ કરાશે છે. આ ફિલ્મને 2019માં રીલીઝ થયેલી “પતિ પત્ની ઔર વોહ” ની સીક્વલ-સ્પિરિચ્યુઅલ સક્સેસર તરીકે બનાવવામાં આવી છે.
