આગામી ગુરુવાર તા. 7 મે 2026ના રોજ સમગ્ર ઇંગ્લેન્ડ, નોર્ધર્ન આયર્લેન્ડ, વેલ્સ અને સ્કોટલેન્ડમાં ચૂંટણીઓ યોજાનાર છે. ઇંગ્લેન્ડ અને નોર્ધર્ન આયર્લેન્ડમાં સ્થાનિક સરકાર અને કેટલાક શહેરોના મેયરની ચૂંટણીઓ, વેલ્સમાં સેનેડ કીમરુની ચૂંટણીઓ તથા સ્કોટલેન્ડમાં સ્કોટિશ સંસદની ચૂંટણીઓ યોજાનાર છે.
ઇંગ્લેન્ડ અને નોર્ધર્ન આયરલેન્ડ, વેલ્સ, સ્કોટલેન્ડ સહિત સમગ્ર યુકેમાં મતદાન કરવા માટે પોતાના મતની નોંધણી કરાવવાની અંતિમ તારીખ સોમવાર 20 એપ્રિલ છે. જો તમે મતદાન કરવા માગતા હો તો તમારા નામની નોંધણી કરાવવી આવશ્યક છે. જાણવા જેવી માહિતી એ છે કે તમે ભારતના નાગરીક હો તો પણ યુકેમાં વોટ આપી શકો છો. તમે આ નોંધણી ઑનલાઇન (Register to vote – GOV.UK) પણ કરાવી શકો છો. મતપત્રકમાં તમારૂ નામ હોય તો તમારા ક્રેડિટ સ્કોરમાં પણ વધારો થાય છે. તમે જો અગાઉ મત આપી ચૂક્યા હો તો નોંધણી કરાવવાની કોઇ જરૂર નથી.
આપના મતદાન માટે પોસ્ટલ વોટ અથવા પોસ્ટલ પ્રોક્સી વોટ કરવા માટે અરજી કરવાની છેલ્લી તારીખ મંગળવાર 21 એપ્રિલ છે અને સાંજે 5 વાગ્યા સુધીમાં તમે આ માટે ઑનલાઇન અરજી કરી શકો છો. તેની વધુ માહિતી અને અરજી કરવા માટે ઓનલાઇન How to vote by post | Electoral Commission લિંક પર ક્લીક કરવા વિનંતી. જો તમે પોસ્ટલ પ્રોક્સી વોટ કરવા માંગતા હો તો વધુ માહિતી અને અરજી કરવા માટે ઓનલાઇન Apply to vote by proxy | Electoral Commission ક્લીક કરવા વિનંતી.
પ્રોક્સી વોટ દ્વારા મતદાન કરવા માટે અરજી કરવાની છેલ્લી તારીખ મંગળવાર તા. 28 એપ્રિલ સાંજે 5 વાગ્યા સુધીની છે. તે માટે Apply to vote by proxy | Electoral Commission ક્લીક કરવા વિનંતી.
યુકેમાં હવેથી મતદાન કરવા માટે ફોટો ઓળખપત્ર બતાવવું જરૂરી
યુકેમાં હવેથી મતદારોએ મતદાન મથક પર મતદાન કરવા માટે ડ્રાઇવિંગ લાયસન્સ, પાસપોર્ટસ BRP કાર્ડ જેવા ફોટો ઓળખપત્ર બતાવવાં જરૂરી છે. જો તમારી પાસે માન્ય ફોટો આઇડી ન હોય, તો તમે મતદાન મથક પર મતદાન કરવા માટે મફત વોટર ઓથોરીટી સર્ટિફીકેટ માટે અરજી કરી શકો છો. પોસ્ટ દ્વારા મતદાન કરવા માટે તમારે ફોટો ઓળખપત્રની જરૂર નથી.
મફત મતદાર ઓળખપત્ર માટે અરજી કરવાની અંતિમ તારીખ 28 એપ્રિલ, મંગળવાર, સાંજે 5 વાગ્યાની છે. તમે આ લિંક Applying for a Voter Authority Certificate | Electoral Commission પર ક્લીક કરીને આઇડી મેળવી શકો છો.
સમગ્ર યુકેમાં ગુરુવાર 7 મે 2026ના રોજ મતદાન કરવામાં આવશે અને તમામ મતદાન મથકો સવારે 7 વાગ્યાથી રાત્રે 10 વાગ્યા સુધી ખુલ્લા રહેશે. જો તમે રાત્રે 10 વાગ્યા સુધી લાઇનમાં ઉભા રહ્યા હશો તો પણ તમે મતદાન કરી શકશો.
તમારું મતદાન મથક ક્યાં છે તેની માહિતી Key dates for voters in 2026 | Electoral Commission પર ક્લીક કરીને વેબ પેજ પર નીચે જઇને બોક્સમાં તમારો પોસ્ટકોડ નાંખીને તમામ વિગતો જાણી શકશો.
મતદાન માટે કોણ નામ નોંધાવી શકે?
ઈંગ્લેન્ડ અથવા નોર્ધર્ન આયર્લેન્ડમાં રહેતા 16 વર્ષ કે તેથી વધુ વયના બ્રિટિશ તથા આઇરિશ નાગરિક, યુકે, ચેનલ આઇલેન્ડ્સ અથવા આઇલ ઓફ મેનમાં પ્રવેશવા અથવા રહેવાની પરવાનગી ધરાવતા લોકો, ભારત સહિતના કોમનવેલ્થ દેશોના નાગરિક, ડેનમાર્ક, લક્ઝમબર્ગ, પોલેન્ડ, પોર્ટુગલ અથવા સ્પેનના નાગરિકો, સ્કોટલેન્ડ અથવા વેલ્સમાં રહેતા લોકો મતદાન કરવા માટે નામની નોંધણી કરાવી શકે છે.
જો તમે સ્કોટલેન્ડ અથવા વેલ્સમાં રહેતા હો તો મતદાર તરીકે નોંધણી કરાવવા માટે તમારી ઉંમર 14 વર્ષ કે તેથી વધુ હોવી જોઈએ. તમે બ્રિટિશ નાગરિક અથવા આઇરિશ નાગરિક હો તો તમે મતદાન માટે નોંધણી કરાવી શકો છો. જો તમારી પાસે યુકે, ચેનલ આઇલેન્ડ્સ અથવા આઇલ ઓફ મેનમાં પ્રવેશવાની અથવા રહેવાની પરવાનગી હોય, અથવા તમને પરવાનગીની જરૂર ન હોય તો પણ તમે નોંધણી કરાવી શકો છો.
મતદાન માટે જરૂરી ફોટો આઇડીના પ્રકાર
- યુકે અથવા નોર્ધર્ન આયર્લેન્ડ ફોટોકાર્ડ ડ્રાઇવિંગ લાઇસન્સ (ફૂલ કે પ્રોવિઝનલ)
- EU દેશો, નોર્વે, આઇસલેન્ડ, લિક્ટેંસ્ટાઇન, આઇલ ઓફ મેનના ડ્રાઇવિંગ લાઇસન્સ
- યુકે, EU દેશો, નોર્વે, આઇસલેન્ડ, લિક્ટેંસ્ટાઇન અથવા કોમનવેલ્થ દેશના પાસપોર્ટ
- પાસ કાર્ડ (નેશનલ પ્રૂફ ઓફ એજ સ્ટાન્ડર્ડ્સ સ્કીમ)
- બ્લુ બેજ
- બાયોમેટ્રિક રેસિડેન્સ પરમિટ (BRP)
- ડિફેન્સ આઇડેન્ટિટી કાર્ડ (MOD ફોર્મ 90)
- HM આર્મ્ડ ફોર્સિસ વેટરન કાર્ડ (MOD ફોર્મ 100)
- EU દેશો, નોર્વે, આઇસલેન્ડ અથવા લિક્ટેંસ્ટાઇન, નોર્ધર્ન આયર્લેન્ડના નેશનલ આઇડી કાર્ડ
- વોટર ઓથોરીટી સર્ટિફીકેટ
- એનોનિમસ ઇલેક્ટરોલ ડોક્યુમેન્ટ
- વૃદ્ધ, અપંગ વ્યક્તિનો બસ પાસ
- ઓઇસ્ટર 60+ કાર્ડ
- ફ્રીડમ પાસ
- સ્કોટિશ નેશનલ એન્ટાઇટલમેન્ટ કાર્ડ (NEC)
- 60 અને તેથી વધુ ઉંમરના કે અપંગ વ્યક્તિનું વેલ્શ કન્સેશનરી ટ્રાવેલ કાર્ડ
- નોર્ધર્ન આયર્લેન્ડ કન્સેશનરી ટ્રાવેલ પાસ
