લેસ્ટર રોયલ ઇન્ફર્મરી નજીક 56 વર્ષીય બે બાળકોની માતા નીલા પટેલ પર હુમલો કરી તેમની આઘાતજનક, ક્રૂર અને નિર્દય” હત્યા બદલ 24 વર્ષીય ડ્રગ ડીલરને આજીવન કેદની સજા ફટકારવામાં આવી છે, જેમાં તેણે ઓછામાં ઓછી 21 વર્ષ અને છ મહિનાની સજા કાપવી પડશે.
સાઉથ ઇસ્ટ લંડનના પેકહામના મૂળ રહેવાસી ચુકવુમેકા અહાનોનુએ 24 જૂન, 2025ના રોજ લેસ્ટરમાં તેની કાર પલટી ખાઇ ગયા બાદ કોઇ કારણ વગર શ્રીમતી નીલા પટેલને બસ સ્ટોપ પર નિશાન બનાવી હતી. તેણે શ્રીમતી પટેલને લાત અને મુક્કા મરતા તેણીના મગજને ઘાતક નુકસાન થયું હતું. તપાસ દરમિયાન હત્યારો ચુકવુમેકા “એશિયનો” વિરુદ્ધ અપમાન ધરાવતો હતો અને હત્યા પાછળ વંશીય પ્રેરણા પર જજે ખાસ ભાર મૂક્યો હતો.
તે એક “નોંધપાત્ર” ડ્રગ ડીલર હતો અને દર મહિને £10,000 કમાતો હોવાનો દાવો કરતો હતો. તે માત્ર એક વર્ષ પહેલાં જ લાયસન્સ પર જેલમાંથી મુક્ત થયો હતો.
શ્રીમતી પટેલના બાળકો, જયદાન અને દાનિકાએ, તેમના વિશ્વને વેરવિખેર કરનાર કૃત્યની “ક્રૂરતા અને અવ્યવસ્થિતતા”નું વર્ણન કર્યું હતું.
