ભારતની સંરક્ષણ નિકાસ નાણાકીય વર્ષ 2026માં રૂ. 38,424 કરોડની સર્વોચ્ચ સપાટીએ પહોંચી હતી, જે ગત નાણાકીય વર્ષમાં રૂ. 23,622 કરોડની સરખામણીએ 62.66 ટકાનો વધારો દર્શાવે છે. આ વધારો સંરક્ષણ ઉત્પાદનમાં પરિવર્તન દર્શાવે છે, જે ઊભરતા સંરક્ષણ નિકાસ કેન્દ્ર તરીકે ભારતની સ્થિતિને મજબૂત બનાવે છે. વૃદ્ધિનો મોટો હિસ્સો સંરક્ષણ જાહેર ક્ષેત્રના ઉપક્રમો-DPSUs, રાજ્ય માલિકીની સંરક્ષણ કંપનીઓનો હતો, જેમની નિકાસ પાછલા વર્ષના રૂ.8,389 કરોડની તુલનામાં 151 ટકા વધીને રૂ.21,071 કરોડ થઈ હતી. ખાનગી ક્ષેત્રની નિકાસ રૂ.17,353 કરોડને સ્પર્શી ગઈ, જે નાણાકીય વર્ષ 25માં રૂ.15,233 કરોડથી આશરે 14 ટકાનો વધારો છે, જે સંરક્ષણ ઉત્પાદન અને વૈશ્વિક પુરવઠા શૃંખલાઓમાં ઉદ્યોગની વધતી ભાગીદારી દર્શાવે છે. DPSUs કુલ નિકાસમાં 54.84 ટકા હિસ્સો ધરાવે છે, જ્યારે ખાનગી ક્ષેત્રે બંને ક્ષેત્રોમાં સંતુલિત વૃદ્ધિ દર્શાવે છે.
ભારતની સંરક્ષણ નિકાસ હવે 80 થી વધુ દેશોમાં પહોંચી ગઈ છે, જેમાં દેશમાં નિકાસકારોની સંખ્યા 128 થી વધીને 145 થઈ છે, જે 13.3 ટકાનો વધારો દર્શાવે છે.
