અમેરિકા-ઇઝરાયેલ અને ઇરાન વચ્ચે ચાલી રહેલા યુદ્ધના કારણે યુએઇમાં આયોજિત બોલીવૂડના ફિલ્મોના શૂટિંગ્સ કરવામાં આવી રહ્યા છે. છે, જેના કારણે મોટા બજેટની ફિલ્મોએ પોતાની યોજના બદલી છે. શાહરૂખ ખાનની કિંગ ફિલ્મનું દુબઈમાં શૂટ રદ્દ થયાના અહેવાલો પછી, હવે અક્ષયકુમાર સહિતના કલાકારોની વેલકમ ટુ ધ જંગલનાં નિર્માતાઓએ પણ યુએઈમાં યોજાયેલ શિડ્યુલ રદ્દ કર્યુ છે, જેમાં રવિના ટંડન, દિશા પટ્ટણી, અર્શદ વારસી, જેકલીન ફર્નાન્ડિઝ, લારા દત્તા અને શ્રેયસ તળપદે વગેરેનો સમાવેશ થાય છે. શરૂઆતમાં તેઓ ગીતના શૂટિંગ માટે દુબઈ જવાનાં હતાં. પરંતુ પરિસ્થિતિને કારણે આખું શિડ્યુલ હવે મુંબઈમાં શિફ્ટ કરવાનો નિર્ણય લીધો છે.
સૂત્રોના જણાવ્યા મુજબ, મઢ આઈલેન્ડ, ગોલ્ડન ટોબેકો સ્ટુડિયો અને ગોરેગાંવના ફિલ્મ સિટીમાં વિશાળ સેટ્સ તૈયાર કરાશે. પ્રોડક્શન ડિઝાઇનર શૈલેષ મ્હાડિક દ્વારા બનાવાયેલા આ સેટ્સમાં નાઇટક્લબ્સ, કેસિનો અને પ્રાઈવેટ જેટ્સ દર્શાવાશે. તેમાં અમીર લોકોની લાઇફસ્ટાઈલ બતાવવાની હોવાથી દુબઈ તેના માટે પરફેક્ટ લોકેશન હતું. યુનિટે એક મહિનો રાહ જોઈ, પરંતુ પરિસ્થિતિ સુધરી નહીં, એટલે લોકેશન બદલવું પડ્યું છે. આ ગીતનું શૂટિંગ 15 એપ્રિલથી શરૂ થવાનું છે અને તેને ભવ્ય સ્તરે તૈયાર કરાશે, જેમાં આંતરરાષ્ટ્રીય લોકેશન્સ જેવું વૈભવી બેકગ્રાઉન્ડ ઊભું કરાશે.
મિડલ ઇસ્ટમાં યુદ્ધની સ્થિતિને કારણે સિદ્ધાર્થ આનંદ દ્વારા દિગ્દર્શિત અને શાહરૂખ ખાનની નવી એક્શન એન્ટરટેઈનર ફિલ્મ- કિંગના દુબઇમાં યોજાનારા શૂટિંગ શિડ્યુલમાં પણ ફેરફાર થયો છે.
અહેવાલ મુજબ, અનિલ કપૂર અને સુહાના ખાન સાથેનું એક ડેઝર્ટ એક્શન સિક્વન્સ પહેલાં 9 એપ્રિલથી દુબઈમાં શૂટ થવાનું હતું. આ શિડ્યુલ લગભગ એક અઠવાડિયા સુધી ચાલવાનું હતું અને ટીમે ત્યાં શૂટ માટે જરૂરી તમામ મંજૂરી પણ મેળવી લીધી હતી. જોકે, સુરક્ષાને ધ્યાનમાં રાખીને આ યોજના બદલી છે.
આ ફિલ્મમાં અભિષેક બચ્ચન, રાની મુખર્જી, દીપિકા પાદુકોણ, અરશદ વારસી, જયદીપ અહલાવત, સૌરભ શુક્લા, અભય વર્મા અને રાઘવ જુયાલ મહત્વપૂર્ણ ભૂમિકાઓમાં જોવા મળશે.
