ભારતની અગ્રણી ટેલિકોમ કંપની ભારતી એરટેલ 650 મિલિયન ગ્રાહકો સાથે વિશ્વની બીજા ક્રમની સૌથી મોટી ટેલિકોમ કંપની બની હતી. કંપનીએ GSMA ડેટાને ટાંકીને ગુરુવારે આ અંગેની જાહેરાત કરી હતી.
GSMA ઇન્ટેલિજન્સ મુજબ મોબાઇલ કસ્ટમરના આધારે ભારતી એરટેલ વિશ્વમાં બીજા ક્રમની સૌથી મોટી કંપની બની છે. કંપની ભારત અને આફ્રિકા આશરે 14 દેશોમાં ટેલિકોમ સેવા પૂરી પાડે છે. ભારતી એરટેલના એક્ઝિક્યુટિવ વાઇસ ચેરમેન ગોપાલ વિટ્ટલે જણાવ્યું હતું કે “અમે નવીનતા, વિશ્વસનીયતા અને અનુભવના સ્તરને વધારવાનો પ્રયાસ કરીશું જેથી દરેક ગ્રાહકની વાતચીત વિશ્વાસ મેળવવા અને મૂલ્યવાન જોડાણ પ્રદાન કરવાની તક બને,”
એરટેલે જણાવ્યું હતું કે ભારતમાં તેના 368 મિલિયનથી વધુ મોબાઇલ ગ્રાહકો છે અને આફ્રિકાના 14 દેશોમાં 179 મિલિયનથી વધુ ગ્રાહકો છે. ભારતમાં એરટેલની હરીફ કંપની મુકેશ અંબાણીની રિલોયન્સ જિયો છે. ભારતમાં જિયોના ગ્રાહકોની સંખ્યા આશરે 500 મિલિયન છે.
