અમેરિકાની ક્લાઉડ કમ્પ્યૂટિંગ કંપની ઓરેકલે ભારત સહિત વિશ્વભરમાં આશરે 30,000 કર્મચારીઓની એકસાથે પહેલી એપ્રિલે છટણી કરી હોવાનું માનવામાં આવી છે. કંપનીએ વોશિંગ્ટન રાજ્ય અને તેની સિએટલ ઓફિસોમાં 1 જૂનથી રિમોટથી કામ કરતા 491 કર્મચારીઓને છૂટા કરવાની જાહેરાત કરી હતી.મે 2025 સુધીમાં, કંપની પાસે વૈશ્વિક સ્તરે લગભગ 162,000 પૂર્ણ-સમયના કર્મચારીઓ હતા.
કંપનીની છટણીથી ભારતના સૌથી વધુ 12 હજાર કર્મચારીઓ પ્રભાવિત થયા હતાં. ઓરેકલના કોમ્પ્યુટિંગ બિઝનેસને હાલ અનેક પ્રાંતોમાં મોટો ફટકો પડયો છે, જેમાં ભારત અને મેક્સિકોનો પણ સમાવેશ થાય છે. ઓરેકલના ભારતમાં જ 30,000 કર્મચારીઓ છે, જેમાંથી 12 હજાર જેટલાને છૂટા કરાયા હતાં.
બીબીસીના એક અહેવાલમાં જણાવાયું હતું કે છટણીઓએ એન્જિનિયરિંગ, સોફ્ટવેર ડેવલપમેન્ટ, પ્રોડક્ટ મેનેજમેન્ટ અને ગ્રાહક સપોર્ટ ભૂમિકાઓના કર્મચારીઓ પ્રભાવિત થયા હતાં. ખાસ કરીને ઓરેકલ ફ્યુઝન ક્લાઉડ એપ્લિકેશન્સ અને ઓરેકલ ક્લાઉડ ઇન્ફ્રાસ્ટ્રક્ચર (OCI) વિભાગોમાં વધુ છટણી થઈ હતી.
