અગ્રણી કેશ એન્ડ કેરી અને હોલસેલ ઓપરેટરોમાંના એક બેસ્ટવે ગ્રુપના સ્થાપક ડિરેક્ટર અને યુકે હોલસેલ ક્ષેત્રના અગ્રણી લીડર મોહમ્મદ યુનુસ શેખનું મંગળવારે તા. 27 જાન્યુઆરીના રોજ 79 વર્ષની વયે અવસાન થયું છે.
બેસ્ટવેને યુકેની અગ્રણી કેશ એન્ડ કેરી અને હોલસેલ ઓપરેટર બનાવવામાં શેખની ભૂમિકા હતી, તેમણે પાંચ દાયકા કરતા વધુ સમય ઇન્ડિપેન્ડન્ટ હોલસેલ ક્ષેત્રને સમર્પિત કર્યો હતો. તેમના મૃત્યુ સમયે, તેમણે બેસ્ટવે ગ્રુપના ડિરેક્ટર, બેસ્ટવે હોલસેલના ચેરમેન અને પાકિસ્તાનમાં બેસ્ટવે સિમેન્ટ લિમિટેડના ડિરેક્ટર તરીકે સેવા આપી હતી. તેઓ બેસ્ટવે ફાઉન્ડેશન યુકે અને બેસ્ટવે ફાઉન્ડેશન પાકિસ્તાન બંનેના ટ્રસ્ટી પણ હતા.
લેધર મેન્યુફેક્ચરીંગમાં ડિપ્લોમા ધરાવતા સાયન્સ ગ્રેજ્યુએટ શેખ 1970ના દાયકાની શરૂઆતમાં બેસ્ટવેમાં જોડાયા હતા અને કંપનીના મૂળ કેશ એન્ડ કેરી બિઝનેસની સ્થાપના કરનાર ટીમના મુખ્ય સભ્ય હતા. 1985માં, તેમણે ટ્રેડિંગ ડિરેક્ટર તરીકે નિયુક્ત થયા બાદ બેસ્ટવેની સેન્ટ્રલ બાયિંગ ઓફિસની સ્થાપનામાં મુખ્ય ભૂમિકા ભજવી હતી. આ પગલું જૂથના બિઝનેસ પાયાને મજબૂત બનાવવા માટે વ્યાપક શ્રેય આપવામાં આવે છે.
સ્થાપક સર અનવર પરવેઝે બેસ્ટવે ગ્રુપના ચેરમેનની ભૂમિકા સંભાળવા માટે રોજિંદી કામગીરીમાંથી પીછેહઠ કર્યા બાદ 2004માં બોર્ડમાં ફેરબદલ બાદ, શેખ બેસ્ટવે હોલસેલના મેનેજિંગ ડિરેક્ટર બન્યા હતા. તેમના નેતૃત્વ દરમિયાન, બેસ્ટવેએ હરીફ બેટલીઝ પીએલસીનું £100 મિલિયનનું સીમાચિહ્નરૂપ સંપાદન પૂર્ણ કર્યું હતું. જેનાથી જૂથને રાષ્ટ્રીય કવરેજ મળ્યું હતું અને તેની વૃદ્ધિમાં નોંધપાત્ર વધારો થયો હતો.
2018માં, શેખ બેસ્ટવે હોલસેલના ચેરમેન તરીકે નોન-એક્ઝિક્યુટિવ પદે નિમાયા હતા અને બિઝનેસમાં નજીકથી સંકળાયેલા રહીને વ્યૂહાત્મક દેખરેખ પૂરી પાડવાનું ચાલુ રાખ્યું હતું.
ગ્રોસરી અને હોલસેલ બિઝનેસમાં વ્યાપકપણે આદરણીય, શેખને 2015માં ફેડરેશન ઓફ હોલસેલ ડિસ્ટ્રિબ્યુટર્સનો આઉટસ્ટેન્ડિંગ એચિવમેન્ટ એવોર્ડ સાથે ક્ષેત્રમાં તેમના યોગદાન માટે માન્યતા આપવામાં આવી હતી.
તેમના પુત્ર સલીહ શેખે બેસ્ટવેમાં વરિષ્ઠ હોદ્દા સંભાળ્યા હતા, જ્યાં તેમને કંપનીની માર્કેટિંગ અને ડિજિટલ ક્ષમતાઓને આધુનિક બનાવવાનો શ્રેય આપવામાં આવે છે. સલીહે 2019માં બિઝનેસ છોડી દીધો હતો અને હાલમાં તેઓ યુએઈ સ્થિત મીલ સબ્સ્ક્રિપ્શન બ્રાન્ડ ‘મીલ્સ ઓન મી’ના ચીફ માર્કેટિંગ ઓફિસર તરીકે સેવા આપે છે.
તેમનો બીજો પુત્ર, આતિફ શેખ, બિઝનેસ કન્સલ્ટન્સી બિઝનેસ ફોર ઝીરોના ચીફ એક્ઝિક્યુટિવ અને એક એન્જલ રોકાણકાર છે. શેખની પુત્રી, રાબિયા, 2018માં બેસ્ટવે ગ્રુપના કંપની સેક્રેટરી તરીકે નિયુક્ત થયા હતા.
ખાસ પ્રાર્થનાનું આયોજન
શેખ પરિવાર વતી, સ્વર્ગસ્થ મોહમ્મદ યુનુસ શેખ માટે 30 જાન્યુઆરી 2026ના રોજ નિયમિત શુક્રવારની નમાઝ પછી બ્રેન્ટ મસ્જિદ અને ઇસ્લામિક સેન્ટર, 33A હોવર્ડ રોડ લંડન NW2 6DS ખાતે બપોરે 1-15 કલાકે ગૈબાના નમાઝ-એ-જાનાઝા થશે.
