ચેન્નાઇના ચિન્નાસ્વામી સ્ટેડિયમ ખાતે રવિવારે રમાયેલી મેચમાં ચેન્નાઇ સુપર કિંગ્સનો ડિફેન્ડિંગ ચેમ્પિયન રોયલ ચેલેન્જર્સ બેંગલુરુ સામે 43 રનથી પરાજય થયો હતો. ચેન્નાઈ સુપર કિંગ્સનો આ સતત ત્રીજો પરાજય થયો હતો.
પાંચ વખતની ચેમ્પિયન ટીમે ચાલુ ઈન્ડિયન પ્રીમિયર લીગ (IPL) સીઝનમાં હજુ સુધી એક પણ જીત નોંધાવી નથી. જોકે રુતુરાજ ગાયકવાડ અને તેમના સાથી ખેલાડીઓએ મોટા માર્જિનથી મેચ હારવા છતાં બેટથી એક મોટો વર્લ્ડ રેકોર્ડ બનાવ્યો હતો.
251 રનના ટાર્ગેટનો પીછો કરતાં ચેન્નાઇ સુપર કિંગ્સના નવ બેટરોએ ઓછામાં ઓછી એક સિક્સ મારી હતો. એક જ T20 ઇનિંગમાં નવ બેટ્સમેનોએ છગ્ગા ફટકાર્યા હોય તેવું પ્રથમ વખત બન્યું હતું.
દેવદત્ત પડિક્કલ અને ટીમ ડેવિડની તોફાની અડધી સદીઓની મદદથી RCBએ 20 ઓવરમાં 3 વિકેટે 250 રનનો વિશાળ સ્કોર ખડક્યો હતો. જેના જવાબમાં ચેન્નાઈની ટીમ 19.4 ઓવરમાં 207 રન બનાવી ઓલઆઉટ થઈ ગઈ હતી. CSK માટે સરફરાજ ખાને 50 રન ફટકાર્યા હતાં.
RCBના બેટ્સમેનોએ મેચની છેલ્લી 5 ઓવરમાં આક્રમક બેટિંગ કરતા 97 રન ઝૂડ્યા હતાં. IPL ઈતિહાસમાં ડેથ ઓવર્સમાં આ સંયુક્ત રીતે બીજો સૌથી મોટો સ્કોર હતો. રજત પાટીદાર અણનમ 48 રન અને ટીમ ડેવિડ અણનમ 70 રન ફટકારી મોટી ભાગીદારી નોંધાવી હતી.
આ સાથે જ RCBએ કોઈ એક ટીમ સામે સૌથી વધુ સિક્સર મારવાના મામલે કોલકાતા (17) અને રાજસ્થાન (17) નો રેકોર્ડ તોડી નાખ્યો હતો.. ટીમ ડેવિડે સૌથી વધુ 8 અને રજત પાટીદારે 6 છક્કા ફટકાર્યા હતા.
