ઇન્ડિયન પ્રીમિયર લીગ(IPL)ની 19મી સિઝન 28 માર્ચે શરૂ થવાની છે. આ સિઝનની શરૂઆતે આ એક વિગત એવી છે કે કેટલાય ક્રિકેટ રસિયાઓને આશ્ચર્ય થઈ શકે છે. લીગના સમગ્ર ઇતિહાસમાં ફક્ત ચાર ખેલાડીઓ એવા છે જે એક જ ફ્રેન્ચાઇઝ માટે 10 કે તેથી વધુ સીઝન રમ્યા છે. આમ તો અનેક ખેલાડીઓ છે જેમણે 18 સિઝન રમી છે.
મોટાભાગના ખેલાડીઓ અલગ અલગ ટીમો વતી રમ્યા છે. રોહિત શર્મા અને એમએસ ધોની જેવા દિગ્ગજો પણ આ લિસ્ટમાં નથી. જો કે, વિરાટ કોહલીનું નામ ચોક્કસપણે આ લિસ્ટમાં છે અને તે ટોચ પરના સ્થાને છે.
વિરાટ કોહલીથી વધારે વફાદાર કોઈ ખેલાડી સમગ્ર IPLમાં નથી. કોહલી એક જ એવો ક્રિકેટર છે જે આજ સુધી દરેક સિઝનમાં ફક્ત એક જ ફ્રેન્ચાઇઝી – રોયલ ચેલેન્જર્સ બેંગલોર વતી રમ્યો છે. તે વિતેલી તમામ 18 સિઝનમાં ફક્ત RCB માટે જ રમ્યો છે.
વેસ્ટ ઈન્ડિઝનો ભૂતપૂર્વ ઓલરાઉન્ડર સુનિલ નરેનનું અત્યાર સુધીમાં 14 સીઝન રમ્યો છે, તેણે પણ કોલકાતા નાઈટ રાઈડર્સનું જ પ્રતિનિધિત્વ કર્યું છે. તો વેસ્ટ ઈન્ડિઝનો જ કેરોન પોલાર્ડ પણ 2010 થી 2022 સુધી, સતત 13 સીઝન મુંબઈ ઈન્ડિયન્સ તરફથી રમ્યો હતો.
ભારતનો મુખ્ય સ્ટ્રાઈક બોલર, સ્પીડસ્ટર જસપ્રીત બુમરાહ પણ તેની આઈપીએલ કેરિયરની શરૂઆતથી અત્યાર સુધી, 2013થી એકલા મુંબઈ ઈન્ડિયન્સ માટે જ રમ્યો છે. તે 2026માં પણ આ ટીમ વતી જ રમવાનો છે.
