આઈપીએલ 2026માં ગુજરાત ટાઈટન્સે શરૂઆતની બે મેચ ગુમાવ્યા પછી ગયા સપ્તાહે દિલધડક જંગમાં દિલ્હી સામે તેની વિજયયાત્રાનો આરંભ થયો હતો અને રવિવારે લખનૌમાં લખનૌ સુપર જાયન્ટ્સ સામે તો ટીમે સાત વિકેટે જંગી વિજય સાથે વિજયયાત્રા આગળ ધપાવી હતી.
લખનૌની ટીમે પહેલા બેટિંગ કરતાં 8 વિકેટે 164 રન કર્યા હતા. ઓપનર એડન માર્કરમ સૌથી વધુ 30 રન કરી વિદાય થયો હતો, તો નિકલસ પુરને 19 અને સુકાની પંત, અબ્દુલ સમદ તથા મુકુલ ચૌધરીએ 18-18 રન કર્યા હતા. ગુજરાત તરફથી પ્લેયર ઓફ ધી મેચ પ્રસિદ્ધ ક્રિષ્નાએ ચાર ઓવરમાં 28 રન આપી ચાર વિકેટ લીધી હતી. તેના સિવાય અશોક શર્માએ બે તથા મોહમદ સિરાજ અને રબાડાએ એક-એક વિકેટ લીધી હતી.
ગુજરાત ટાઈટન્સે 165 રનનો ટાર્ગેટ 18.4 ઓવરમાં, ફક્ત ત્રણ વિકેટ ગુમાવી હાંસલ કર્યો હતો. સુકાની શુભમન ગિલે 40 બોલમાં 56 અને જોસ બટલરે 37 બોલમાં 60 રન કર્યા હતા, તો વોશિંગ્ટન સુંદર 21 રન કરી અણનમ રહ્યો હતો.
સુદર્શન 15 રન કરી આઉટ થયા પછી ગીલ અને જોશ બટલરે લખનૌના બોલરો સામે તોફાની બેટિંગ સાથે 58 બોલમાં 84 રન કરી ટીમના વિજયનો પાયો નાખ્યો હતો. 129 રનના સ્કોરે ગીલ ફિફ્ટી પૂર્ણ કરી આઉટ થયા પછી બટલર પણ 60 રન વિદાય થયો હતો. 135 રનના સ્કોરે ત્રીજી વિકેટ ગુમાવ્યા બાદ વોશિંગ્ટન સુંદર અને રાહુલ તેવટિયાએ ચોથી વિકેટની ભાગીદારીમાં 30 રન કરી વિજયનો ટાર્ગેટ હાંસલ કર્યો હતો.
